Илажда бақлаўшы сыпатында Өзбекстан, Түркия, Қазақстан, Қырғызстан, Түркменстан ҳәм Әзербайжан Республикасы энергетика министрлери, Түркий мәмлекетлер шөлкеминиң бас хаткери, Венгрия ҳәм Арқа Кипр сыртқы ислер министрлери қатнасты.
Ушырасыўда дос ҳәм туўысқан түркий мәмлекетлер басшыларының басламасы менен барлық тараўларда, соның ишинде, жанылғы-энергетика комплексин раўажландырыўда бирге ислесиў жаңа басқышқа көтерилип атырғаны айрықша атап өтилди.
Мәжилис даўамында энергетика тараўындағы бирге ислесиўди буннан былай да раўажландырыў, регионның энергетикалық қәўипсизлигин тәмийинлеў ҳәм турақлы энергия дәреклерин енгизиў мәселелери додаланды. Атап айтқанда, "жасыл" энергетика жойбарларын қоллап-қуўатлаў, энергетика системаларын интеграциялаў ҳәм жаңа инвестициялық жойбарларды әмелге асырыў ҳаққында сөз болды.
Ушырасыў жуўмағында тәреплер гезектеги - 2026-жылы Өзбекстанда Түркий мәмлекетлер шөлкеми энергетика министрлериниң алтыншы мәжилисин өткериўге келисип алды.
