Реже Өзбекстан Республикасы Саўда-санаат палатасы жанындағы Салық келиспеўшиликлери бойынша эксперт кеңесиниң жумысын шөлкемлестириў тәртибин, сондай-ақ, исбилерменлик субъектлери ҳәм салық уйымлары арасында пайда болған салық келиспеўшиликлерин көрип шығыў ҳәм олар бойынша жуўмақлар бериў тәртибин белгилейди.
Кеңестиң тийкарғы ўазыйпалары төмендегилерден ибарат:
исбилерменлик субъектлери ҳәм салық уйымлары арасында пайда болған салық келиспеўшиликлерин көрип шығыў ҳәм олар бойынша жуўмақлар бериў;
салық нызамшылығына ҳәм оларды қолланыўға байланыслы нормативлик-ҳуқықый ҳүжжетлерди үйрениў, сондай-ақ, ҳуқықты қолланыў әмелиятының сапасын арттырыў бойынша усыныслар ислеп шығыў;
салық келиспеўшиликлерин көрип шығыўда бизнес жәмийетшилиги, мәмлекетлик уйымлар ҳәм шөлкемлер, илимий шөлкемлер менен өз-ара бирге ислесиўди жолға қойыў.
Кеңестиң қурамы Өзбекстан Республикасы Президентиниң қарары менен тастыйықланады.
Кеңестиң мәжилислери бир айда кеминде еки мәрте өткериледи.
