Сырт мәмлекетлердиң аттестация уйымлары ямаса сырт мәмлекетлердиң нызамшылығына муўапық тийисли жоқары билимлендириў шөлкемлери тәрепинен талабанларға берилген илимий дәрежелер ҳаққындағы ҳүжжетлер ўәкилликли уйым тәрепинен экспертиза өткериў жолы менен ямаса тиккелей илимий экспертизадан өткерилмей тән алынады ҳәм нострификацияланады.
Мәмлекетлик хызметтен пайдаланыў ушын талапкер мәмлекетлик хызметлер орайларына мүрәжат етеди ямаса БИМПХ (my.gov.uz) дизимнен өтеди.
Анкетаға төмендеги ҳүжжетлер қосымша етиледи:
илимий дәреже алғанлығы ҳаққындағы ҳүжжет (нотариал тастыйықланған);
диссертация нусқасы
Ҳүжжетти тән алыў бойынша мәмлекетлик хызмет көрсетилгенлиги ушын талапкерден БЕМның 1 есеси муғдарында жыйым өндириледи.
Илимий дәреже алыў ҳаққындағы ҳүжжеттиң ҳақыйқый екенлиги тастыйықланғаннан соң 20 күн ишинде илимий экспертиза өткериледи.
Онда унамлы жуўмақ шығарылған жағдайда нострификациялаў ҳаққында гүўалық бериледи, басқа жағдайда болса унамсыз жуўмақ шығарылады.
Мәмлекетлик хызмет көрсетиў нәтийжесинде қәлиплестирилген гүўалықлар электрон ҳүжжетлер репозиториясында сақланады.
