Төмендегилер мәмлекетлик тилди буннан былай да раўажландырыўдың тийкарғы мақсетлери етип белгиленди:
- мәмлекетлик тил имканиятларынан мәмлекеттиң жәмийетлик-сиясий турмысының барлық тараўларында толық ҳәм нәтийжели пайдаланыўға ерисиў;
- мәмлекетлик тилдиң тазалығын сақлаў ҳәм оның сөзлик фондын турақлы толықтырып барыў;
- халықаралық көлемде мәмлекетлик тилдиң роли ҳәм статусын арттырыў, халықаралық бирге ислесиўди раўажландырыў.
2026-жыл 1-январьдан баслап республика дәрежесиндеги мәмлекетлик уйымлар ҳәм хожалық бирлеспелериниң орайлық аппаратларында, сондай-ақ, Қарақалпақстан Республикасы Министрлер Кеңеси, ўәлаятлар ҳәм Ташкент қаласы, районлар (қалалар) ҳәкимликлеринде басқарыў хызметкерлериниң белгиленген улыўма шекленген саны шеңберинде басшының руўхыйлық ҳәм мәмлекетлик тил мәселелери бойынша кеңесгөйи лаўазымы енгизиледи.
2026-жылдан баслап:
- оқытыў туўысқан тиллерде алып барылатуғын улыўма орта билимлендириў шөлкемлери ушын өзбек тилин оқытыў бойынша сабақлықлардың жаңа әўладын дәўирлик тийкарда жаратыў;
- мектепке шекемги билимлендириў шөлкемлеринде өзбек тилин оқытыў бойынша педагоглар ушын оқыў қолланбаларын ислеп шықсын:
- мектепке шекемги жастағы балалар ушын "Мениң биринши түсиндирме сөзлик китабым" сүўретли сөзлик китабын жаратыў;
- балаларға өзбек тилин үйретиў бойынша заманагөй анимациялық видео ҳәм аудио өнимлердиң шығарылыўын шөлкемлестирсин.
