ИИМ ЖҲҚБ баспасөз хызметиниң мәлим етиўинше, жаңалықлар Министрлер Кабинетиниң 2025-жыл 25-октябрьдеги 676-санлы қарары менен тастыйықланған болып, онда жол ҳәрекети тараўындағы өзгерислерди басқышпа-басқыш енгизиў нәзерде тутылған.
Тийкарғы жаңалық сонда, А1 категориясын алыў ушын автомектепте оқыў талап етилмейди - пуқаралар тиккелей имтиханнан өтиўи мүмкин болады.
2026-жыл 1-февральдан баслап "А" ҳәм "Б" категориясындағы ҳуқықларды қолға киргизиўди қәлеўшилер авто мектебинде мәжбүрий курслардан өтпестен, бағдарламаның теориялық бөлимин еркин үйрениўи мүмкин болады.
2026-жыл 1-апрельден баслап елимизде қәўипсизликти арттырыў ҳәм жол-транспорт ҳәдийселериниң алдын алыў мақсетинде автоматикалық фото ҳәм видеофиксациялаў камералары арқалы жазып алынған қағыйдабузарлықлар ушын жәрийма баллары системасы енгизиледи.
Көрилген илажлар айдаўшылардың жуўапкершилигин арттырыў ҳәм Өзбекстан жолларында қәўипсизликти тәмийинлеўге қаратылған.
