2026-жыл 1-сентябрьден 2030-жыл 1-январьға шекем Аграр тараўдағы төлемлер
агентлиги нәсилшилик хожалықларында бағыў ушын қалдырылған нәсилли сыйырларды
бағыў қәрежетлериниң бир бөлегин қаплаў ушын мәмлекетлик бюджеттен ҳәр бир
дәўир ушын төмендеги муғдарларда субсидия ажыратады:
биринши баспақты сатып алыў - 1,5 млн сум, екиншисин сатып алыў - 2 млн
сум;
сатып алынған баспақты 12 айға шекем сақлаў ушын - 1 млн сум, 12 айдан 18
айға шекем сақлаў ушын - 1 млн сум.
Шарўашылық ҳәм жайлаў хожалығын раўажландырыў агентлигиниң
шөлкемлестириўинде төмендеги ўазыйпаларды әмелге асырыў ушын ЖШЖ түринде сервис
кәрханасы шөлкемлестириледи:
шет еллерде шарўашылықты раўажландырыў жойбарларын әмелге асырыў;
шет
мәмлекетлерден шарўашылық хожалықлары ҳәм шаңарақларға ири ҳәм майда қарамал
жеткерип бериў, сондай-ақ, усы мақсетлер ушын мәмлекет аймағында импорт
карантин пунктлерин (зоналарын) шөлкемлестириў;
мал жеткерип
берилгеннен кейин кеминде 12 ай даўамында азықландырыў, ветеринариялық хызмет
көрсетиў, жасалма туқымландырыў, көбейтиў ҳәм зоотехникалық хызмет көрсетиўди
өз ишине алған хызметлер топламын көрсетиў.
Сондай-ақ,
Кәмбағаллықты қысқартыў ҳәм бәнтлик министрлиги Қарақалпақстан Республикасы
Министрлер Кеңеси ҳәм ўәлаятлардың ҳәкимликлери менен биргеликте ҳәр жылы
1-февраль ҳәм 1-июльге шекем (быйыл 1-сентябрьге шекем) шарўашылыққа
қәнигелестирилген аймақларда шарўа малларын көбейтиў нийетин билдирген
интакерлердиң усынысларын ислеп шығып, Агентликке усынады.
Агентлик
билдирилген усыныслар тийкарында интакерлерге ири ҳәм майда қарамалларды
жеткерип бериўди шөлкемлестиреди.
Ҳүжжет Нызамшылық
мағлыўматлары миллий базасында жәрияланған ҳәм 06.08.2026-жылдан күшке кирди,
деп жазады «Norma».
