Бул ҳаққында Өзбекстан Республикасы Президентиниң 2025-жыл 18-августта қабыл етилген "Этилен ҳәм пропилен полимерлеринен жоқары қосымша қунлы өнимлер ислеп шығарыўшы жергиликли кәрханаларды қоллап-қуўатлаў бойынша қосымша илажлар ҳаққында"ғы қарарында белгиленди.
Қарарға бола, 2028-жыл 1-январьға шекем айырым этилен полимерлериниң бирлемши формалары (ТИФ ТН коды 3901 10 900 0, 3901 30, 3901 40) ҳәм пропилен полимерлериниң бирлемши формаларын (ТИФ ТН коды 3902 10 000 0) импорт етиўде бажыхана бажысының ноль ставкасы қолланылады.
Сондай-ақ, мәмлекетке сапасыз контрафакт ийилиўшең қадақлар импортының алдын алыў (экс-оффицио принципи тийкарында) илажлары көриледи.
