Ташкент ўәлаятындағы "Анор" саламатландырыў дем алыў орайында 99 россиялы бала он еки бақлап барыўшысы менен бирге жазғы дем алысты өткереди.
Бул жойбар Өзбекстан кәсиплик аўқамлары Федерациясы ҳәм Россия ғәрезсиз кәсиплик аўқамлары федерациясының биргеликтеги ҳәрекетлери себепли әмелге асырылды. 2024-жылы шөлкемлестирилген бул түрдеги лагерь қатнасыўшылар ҳәм олардың ата-аналары тәрепинен унамлы баҳаланған еди.
Бул жаз рус балалары ушын қызықлы болыўды ўәде етпекте. Еки ҳәптелик дем алыс шеңберинде балалар ушын Ташкент қаласы ҳәм Ташкент ўәлаяты бойлап экскурсиялар, дөретиўшилик шеберлик сабақлары, түрли ойынлар ҳәм спорт илажлары, ең әҳмийетлиси, өзбекстанлы теңлеслери менен рәсмий емес сөйлесиўлер өткериледи.
Кеше россиялы балаларды Өзбекстанға шығарып салыў мәресими шөлкемлестирилди. Алдымызда оларды ашық ҳаўада, тәбият қушағында ҳәм дәстүрий өзбек миймандослығы орталығында қызғын еки ҳәпте күтпекте.
Бундай басламалар мәмлекетлер арасындағы мәдений-гуманитарлық бирге ислесиўди беккемлеўде үлкен әҳмийетке ийе. Балалықтан басланған дослық халықаралық қатнасықларды беккемлеўге хызмет етеди, деп жазады "Дунё" МА.
