Сондықтан ата-ана ұл-қыздарына спорт үйірмесін таңдауда олардың жасын, бойын, физиологиялық мүмкіндіктерін, өз қалауын, әсіресе бар ауруларын ескеруі қажет.

– Атап айтқанда, 3 жасқа дейінгі балалармен тек дене шынықтыру жаттығулары ғана орындалады, – дейді Денсаулық сақтау министрлігінің бөлімнің басшысы Барно Адилова. – 4-5 жас аралығындағы ұл-қыздарды алдымен гимнастика жаттығуларға “шынықтыру”, баулу қажет. Себебі, бұл жастан кейін сүйектің иілгіштігі төмендеп, бала көптеген жаттығуларды орындауға қиналады.

Адамның жүйке жүйесі негізінен 5-6 жастан бастап нығайа бастайтынын ескерсек, бұл кезең спортпен айналысуға ең қолайлы кезең болып саналады. Өйткені бұл уақытта бала жаттықтырушы берген тапсырмаларды орындай алатын жасқа жетеді.

6 жасар баланың қалауы бойынша кез келген спорт үйірмесіне беруге болады. Бірақ бұл кезеңде олар үшін ең пайдалысы - жүзу, көркем гимнастика және футбол.

Балаларда жиі кездесетін сколиоз сияқты қауіпті ауруларды 6-12 жасқа дейін жүзу, турникте жаттығулар орындау, жеңіл атлетика арқылы емдеуге болады. Көзі нашар көретін ұл-қыздар 9-11 жаста үстел теннисі және үлкен тенниспен белсенді түрде шұғылдануына болады.

Спорттың барлық түрлері денсаулыққа пайдалы болғанымен, олардың кейбірін белгілі бір кезеңдерде шектеген жөн.

Мысалы, дене бітімі дамуының кешеуілдеуі 12-14 жас аралығындағы ұл- қыздарға каратэ, таэквондо, дзюдо сияқты ауру беретін әдістерге бай спорт түрлері ұсынылмайды. Өйткені, баланың бойы өспей қалуы мүмкін.

Сол сияқты ауыр атлетикамен 9-12 жаста айналысу да ұсынылмайды. Өйткені бұл балаға «ауырлық етіп», бүйректің айналасына май бітуіне әкеледі.

Денсаулық сақтау министрлігінің баспасөз қызметі.