Автор Өзбекстанға сапары туралы жазғанда Хиуа, Бұхара, Самарқантты сипаттайды. Бұл қалалардағы көрнекті орындар мен көне ескерткіштерде қолданылатын түстерге ерекше назар аударған. Николас Кинлох әйгілі ақын Жеймс Элрой Флекердің 1913 жылы Самарқантқа «білмеген нәрселерді білу» мақсатында жүзеге асырылған саяхаты туралы айтқан сөздерін келтірді.
Басылым Хиуаны негізінен қыш кірпіштен тұрғызылған және айналасы мықты бекіністермен қоршалған ықшам қала ретінде сипаттаған.
— Мұнда көретін, тамашалайтын дүниелер өте көп. Сіз оларды ұмытпайсыз, – дейді автор. — Хиуа қамалы, ХІІ ғасырда салынған Ескі Аркпен танысу нақыштарды қолданып қандай нәтижелерге қол жеткізу мүмкіндігі туралы түсініктеріңізді кеңейтеді. Сіз Жұма мешітінің мұнарасына көтеріліп, қаланы қоршап тұрған таңғажайып көріністі тамашалай аласыз.
Автор Бұхарадан алған әсерін толық сипаттай отырып, осы көне кент ол аралаған үш қаланың өзіне көбірек ұнағанын айтады.
—Басқалардан айырмашылығы, мұнда ескі және жаңа дәстүрлер үйлескен, - деп жазады Николас Кинлох. — Бұхараға сапарыңызды бір кездері қаланы сумен қамтамасыз еткен, шайханалар мен жатақханаларды сумен қамтамасыз еткен әуіз — Лаби Ховузда бір пияла шай ішуден бастаңыз. Қаланың орталық бөлігінде ХVI-XVII ғасырлардағы көне ғимараттар кешені, сонымен қатар 1560 жылы салынған Көкалдош медресесі бар.
Николас Кинлохтың айтуынша, Самарқант қаласы да ең әсерлі орындардың бірі.
Қалада Орталық Азиядағы ең әдемі сәулеткерлік ескерткіштердің үлгілері сақталған, - дейді автор. – ХІІІ ғасырда Самарқант, тағы басқа көптеген қалалар сияқты моңғол шапқыншылығы кезінде толығымен жойылған. Қала кейін Әмір Темір мемлекетінің астанасы ретінде жоғары деңгейде қалпына келтірілді.
Николас Кинлох мақаласын “Сіз өзіңізді лайықты камерамен, нұсқаулықпен, ыңғайлы аяқ киіммен қаруландырып, билеттерді қазірден брондаңыз”, деген сөздермен аяқтаған,- деп хабарлайды «Дуне» AA.
