Кездесуде екіжақты ынтымақтастық пен парламентаралық ынтымақтастықтың өзекті мәселелері талқыланды.
Т.Нарбаева парламентаралық ынтымақтастық, заң шығармашылығының түрлі жақтары бойынша тәжірибе алмасуды жолға қою маңыздылығын атап өтті. Атап айтқанда, парламент мүшелерінің көмегімен, ең алдымен, екіжақты келісімдердің құқықтық негіздерін қамтып, оларды жоғары деңгейде жүзеге асыру аясында жаңа елеулі нәтижелерге қол жеткізу қажет. Бұл бағытта Олий Мажлис пен Жогорку Кенеш арасындағы ынтымақтастық бойынша парламентаралық комиссия маңызды рөл атқаруы керек.
Өз кезегінде, Н.Шакиев Өзбекстан Республикасымен достық және тату көршілік қарым-қатынастарды дамыту Қырғызстан Республикасының сыртқы саясатының үстем бағыттарының бірі екенін, орнатылған жақын, сенімді байланыстар, тікелей және тұрақты диалогтардың арқасында барлық деңгейде соңғы жылдары екіжақты қарым-қатынастардың дамуында айтарлықтай оң динамика байқалды, деп атап өтті.
Кездесуде тараптар шекаралас облыстардың депутаттары арасындағы тікелей байланысты жандандырудың, екіжақты тауар айналымының көлемін одан әрі арттырудың, сондай-ақ мәдениет, білім, ғылым және өнер салаларындағы екіжақты қарым-қатынастарды нығайтудың маңыздылығын талқылады.
Кездесу соңында Парламентаралық комиссияның үшінші мәжілісін 2023 жылдың басында Өзбекстан аумақтарының бірінде өткізу туралы келісімге қол жеткізілді.
Өзбекстан Республикасы Олий Мажлисі Сенатының Ақпарат қызметі.
