Білім мен медицина ең маңызды және жан-жақты әлеуметтік сала. Сондықтан реформаларды жеделдету және олардың тиімділігін арттыру мақсатында Жобалық кеңселер құрылды.
Атап айтқанда, Мемлекет басшысының биылғы 22 қаңтардағы қаулысына сәйкес Денсаулық сақтау жобалары орталығы бастапқы буын және шұғыл медициналық көмек көрсету жүйесін жетілдіру, мемлекеттік медициналық сақтандыруды енгізу, сондай-ақ медициналық сақтандыруды енгізу және дәрі-дәрмек сатып алуды реттеу бойынша бірқатар ұсыныстар әзірленген.
Бүгінгі тұсаукесерде осы бағыттар жан-жақты талданды.
Өзбекстанда өмір сүру сапасына тікелей байланысты бұл салаға ерекше назар аударылуда. Соңғы 7 жылда денсаулық сақтау саласына бөлінген қаржы көлемі 5,9 триллион сумнан 33,5 триллион сумға дейін өсті, яғни 6 есе өскен. Ауруханалар заманауи құрал-жабдықтармен жабдықталып, жаңалары бой көтеріп келеді. Медицинаны халыққа жақындату мақсатында мекен-жайларда скринингтік тексерулер жүргізілуде.
Талдау көрсеткендей, тұрғындардың өтініштерінің 30 пайызы ғана бастапқы деңгейде шешілген. Кейбір ауруларды емдеу әдістері ескірген. Медбикелердің жұмыс аясы кең емес.
Бүгінгі таңда гипертония, жүректің ишемиялық ауруы және өкпенің созылмалы аурулары, бронх демікпесі, қант диабеті, гепатит сияқты кең таралған 7 ауру тобын емдеу стандарттары халықаралық талаптар негізінде жаңартылды. Жыл соңына дейін тағы 300 клиникалық хаттамалар қайта қаралады. Науқастарға жоспарлы тексеру тағайындау, дәрі-дәрмексіз емдеу сияқты міндеттер дәрігерден медбикеге беріледі. Емханаларда науқастардың әрекеті ретке келтіріліп, дәрігерлерді күту уақыты қысқартылады.
Медициналық сақтандыру тетіктері осыдан үш жыл бұрын Сырдария ауданында тәжірибе ретінде жолға қойылған еді. Бұл саладағы айтарлықтай кемшіліктерді көрсетті.
Медициналық мекемелерді цифрландыру деңгейі жеткіліксіз болғандықтан сақтандыру жүйесі толық жұмыс істемей тұр. Дәрігерлердің уақытының көп бөлігі есеп беруге кетеді.
Сондықтан Ташкент қаласында саланы цифрландырудың үлгілік жүйесін құру міндеті жүктелді. Ол үшін барлық мекемелер жаңа компьютерлер және техникалық жабдықтармен жабдықталады. Жыл соңына дейін «Электронды емхана» және «Электронды аурухана» жүйелері іске қосылады.
Соның негізінде 2024 жылдан бастап Ташкент қаласында мемлекеттік медициналық сақтандыру тетіктері енгізіледі. Айта кеткен жөн, бұл халық төлейтін жалпы салық есебінен орындалатын жағдай болған соң халықтан қосымша жарна алынбайды.
Медициналық сақтандыру бойынша:
- мемлекет халыққа тегін көрсететін медициналық қызметтер мен дәрі-дәрмектердің кепілдік беретін пакеті енгізіледі;
- науқастарды өздеріне біріктірілген отбасылық дәрігерлері арқылы және шағын сала мамандарға немесе ауруханаларға жіберу жүйесі ұйымдастырылады. Бұл ретте тегін медициналық қызметтер осы ережені сақтай отырып қана көрсетіледі;
- кең таралған ауруларға арналған дәрі-дәрмектер кепілдендірілген пакеттің бөлігі ретінде электронды рецепт негізінде дәріханалар арқылы тегін беріледі.
Жедел медициналық көмек көрсету жүйесін саралай келе, негізгі мәселе өтініштердің аурудың күрделілігіне қарай сұрыпталмауымен байланысты екені көрсетілді.
Сондықтан жедел жәрдем «колл-орталықтарында» науқастар үшін дәрігер кеңесін жолға қою туралы шешім қабылданды. Биыл Ташкент қаласында, келесі жылы басқа аймақтарда парамедик және педиатрик бригадалар ұйымдастырылатыны айтылды. Жүйе қызметкерлері дәрігер-консультант, шақыруларды сұрыптау операторы, фельдшер- парамедик бағытында қайта даярлаудан өтеді.
Сондай-ақ, тұсаукесерде дәрі-дәрмекке деген нақты қажеттілікті қалыптастыру, оларды сатып алу және орындарға уақтылы жеткізу мәселесіне ерекше назар аударылды. Дәрілік заттар мен медициналық мақсаттағы бұйымдардың тізбесі мен сатып алу процесін жетілдіру бойынша тапсырмалар берілді.
Мемлекет басшысы қоғамда салауатты өмір салтын тарату арқылы аурудың алдын алудың, адамдардың өз денсаулығына деген жауапкершілік сезімін нығайтудың қашанда маңызды екенін айтты.
