Келісімдерге Экология министрінің орынбасары Жүсіпбек Қазбеков, Vision "Vision International Investment" компаниясының дамытуы жөніндегі бас директоры Капил Лалвани және "Suez International" компаниясының Еуропа және Орталық Азия бойынша бас директоры Паул Бурдиллон қол қойғаны атап өтілді.

Бұл келісім қауіпті өндірістік қалдықтарды басқару бойынша болашағы зор жобаны әзірлеу және іске асыру бойынша ынтымақтастықты көздейді.

Жобаның жалпы құны 78 миллион долларды құрайды және үш кезеңде жүзеге асырылады. Бірінші кезеңде қалдықтарды тұрақтандыру және полигондарға орналастыру кешендері мен аймақтық тасымалдау станцияларының құрукөзделген болса, ал екінші кезеңде қоқыс шығаратын жанылғы алу (РДФ—Рефусе-деривед фуэл) қондырғысы, өртеу кешендері және жылу өндіретін кәсіпорындардың инженерлік алды жобаларын жасаумен бірге тәжірибе негізінде сынақтан өткізу жоспарланған.

Үшінші кезеңде толық көлемдегі қалдықтардан жанылғы алу және жылумен өңдейтін кешенді салып, пайдалануға беруді көздейді.

Ақпарат ретінде, "Suez International" негізінен су және қалдықтарды басқаруға мамандандырылған, 160 жылдан астам тарихы бар, Франция компаниясы саналады. Ол бүкіл әлем бойынша сумен жабдықтау және тазарту, кәріз суларды басқару сондай-ақ қалдықтарды қайта өңдеу, қауіпті қоқыстарды басқару бойынша шешімдерді ұсынады.

Компания Еуропа, Азия-Тынық мұхиты аумағы, Америка, Африка және Таяу Шығыстағы аумақтарда көптеген өндірістік салаларға қызмет көрсетеді.

"Vision International Investment Company" (ВИИC) 2002 жылы Сауд Арабиясында құрылған, ірі игвестиция холдингі болып, 96 миллиард доллары айналасындағы активтерді басқарады. Оның қызмет бағыттарына энергетика, инфрақұрылым, коммуналдық қызметтер, су ресурстарын басқару, электр энергиясын өндіру, консалтинг және мемлекеттік-жекеменшік серіктестік жобалары кіреді.

Осы келісімдер стратегиялық ынтымақтастықты тереңдетуге және, әрине, экологиялық жағдайды жақсартуға қызмет етеді.