1700 та хонадоннинг бир ойлик истеъмолига тенг миқдордаги электр энергиясидан ноқонуний фойдаланилгани аниқланди

Мамлакатимизда 19 дек 2022, 11:36 815

Энергетика вазирлиги ҳузуридаги “Ўзенергоинспекция” томонидан ҳуқуқни муҳофаза қилувчи органлар ва ишчи гуруҳ аъзолари билан биргаликда ўтказилаётган назорат тадбирларида электр энергиясидан фойдаланишда бир қатор ноқонуний ҳолатлар аниқланмоқда.

Хусусан, Ш.Рашидов тумани, “Оқтош ота” МФЙда кўп қаватли уйлар қураётган “АГРОМИР БУИЛДИНГС” МЧЖга қарашли қурилиш обектида 400 кВА қувватли трансформатор пункти шартнома расмийлаштирмасдан электр тармоғига уланганлиги аниқланди.

Натижада 330,5 минг кВт-соат миқдордаги ҳисобга олинмаган электр энергияси бўйича 148,7 млн сўм қайта-ҳисоб амалга оширилди. Ушбу ҳажмдаги электр энергияси ўртача 1700 та хонадоннинг бир ойлик истеъмолини ташкил қилади.

#Ноқонуний фойдаланиш