Смартфон, компьютер, телевизор ва бошқа қурилмалар нархи йилдан-йилга ошиб боришига иқтисодий таназзул, уларни етказиб бериш тизими бузилиши, бож тўловлари ва шу кабилар сабаб бўлаётир. Аммо бу сафар одатдаги гажетларнинг охирги баҳосига сунъий интеллектнинг ривожланиб бораётгани ҳам таъсир кўрсатади.
Сунъий интеллект ривожланиш учун янада кўп ресурслар талаб қилмоқда
Сунъий интеллект ривожланишининг янги йўналишлари 2022 йилдаёқ қайд этилган. Буни Американинг OpenAL компанияси яратган ChatGPT чат-боти пайдо бўлиши билан боғлашмоқда. Фирма унча катта бўлмаган стартапдан корпорацияга айланди, унинг айланмаси бир неча миллиардга долларга етади.
Ҳозирда шахсий нейросет ҳар бир йирик IT-комапаниясида мавжуд. Сунъий интеллект инструментлари эса саноатда, бизнесда, давлат бошқаруви ва ҳатто ҳарбий техникада фойдаланилаяпти. 2025 йилда ишлаб чиқарилган ҳар бир гажет, сервис ёки янгиланиш учун опереация тизими у ёки бу даражада сунъий интеллект функциясига эга ёки сунъий интеллект қўлланилиши мумкин бўлган имкониятга эга. Нейротармоқ ўз-ўзидан, яъни ҳаводан пайдо бўлмайди. Унинг ишлаши учун мутахассислар жамоаси, ўта кучли компьютерлар ва илғор жиҳозлар талаб қилинади.
Сунъий интеллектга бўлган эҳтиёж технологиянинг оммалашуви билан бир қаторда ўсиб боради. Бозор эса барчани процессор, видеокарта, “хотира” ва бошқа таркибий қисмлар билан таъминлашга улгурмайди, натижада тақчиллик юзага келади.
Криптовалюта “шов-шуви” такорорланиши
Процессорлар тезкор хотираси нархи ошиши орқасидан видеокарталар ҳам қимматлашди. Кўпгина замонавий видеокарталарда қўлланиладиган GDDR хотираси куз бошланиганидан буён 30 % га кўтарилди. Бу шу билан боғлиқки, уни ишлаб чиқарувчилар сунъий интеллект учун ихтисослашган сервер таъминотини йўлга қўйишни мўлжаллаган. Бу моҳиятан олганда криптовалюта “шов-шуви”нинг такрорланиши. Яъни ишлаб чиқариш имконияти чекланиши, битта ва айнан ўша “тугун”да яратилган маҳсулотлар кўплиги шароитида ишлаб чиқарувчилар криптовалютанинг янада даромадли бозорини маъқул кўришди.
Видеокарталар бўйича йирик ишлаб чиқарувчилар – AMD, Nvidia маҳсулот нархини ошириш ташаббускорлари эмас. Бироқ “хотира” тақчиллиги шароитида компаниялар нафақат нархни ошириши, шу билан бирга арзон видеокарталар ишлаб чиқаришни чеклашлари ҳам мумкин.
“TechBuzz” нашри мутахассисларининг ўйлашича, якуний ҳисобда барча истеъмол техникаси нарх ошиши хавфига дуч келиши мумкин. Ишлаб чиқарувчилар биринчи галда кўпчилик харид қила оладиган маҳсулотлар – арзон телефонлар, ПК, музлаткичлар, кир ювиш машиналари ва автомобилларни “қирқиб” ташлайди. Барчаси товарлар тақичиллигидан бошланиши мумкин. Сўнгра базавий техника сотувдан шунчаки йўқолади, деб хабар берди lenta.ru.
