Дар ин мулоқот вазир Нозим Хусанов ва намояндаи UNICEF дар Ӯзбекистон Мунир Мамедзода ширкат варзиданд, хабар медиҳад хидмати матбуоти вазорат.
Меҳмонон бо фаъолияти ҷории вазорат дар соҳаи шуғл ва дастгирии аҳолӣ, алахусус ҷавонон, инчунин дар соҳаи таҳсилоти касбӣ шинос шуданд.
Ҷонибҳо имкониятҳои вазоратро бобати истифодаи платформаи "U-REPORT" барои гузаронидани пурсишҳои иҷтимоӣ дар байни ҷавонон ва гирифтани маълумоти зарурӣ оид ба масъалаҳои шуғл баррасӣ карданд.
Ба сифати аввалин лоиҳаи муштараки ҳамкорӣ таҳия ва татбиқи барномаи муштараки омӯзишӣ оид ба дарёфти малакаҳои иҷтимоӣ ва молиявӣ, инчунин гирифтани малакаҳои аввалия дар шуғл ва соҳибкорӣ, ки дар курсҳои омӯзишӣ дар ҳама самтҳо дар асоси иқтидорҳои Марказҳои таълими касбӣ, аз ҷумла мономарказҳои "Ишга марҳамат" ҷорӣ карда мешаванд, пешниҳод гардид.
Ҷонибҳо ба мувофиқа расиданд, ки харитаи муштараки роҳро оид ба татбиқи лоиҳаҳое, ки ба таҳкими нерӯи насли нав нигаронида шудаанд, таҳия кунанд.
