“Хабарҳо дар бораи мубтало шудани се нафар аз дигар иёлотҳо расидаанд. Дар саросари иёлат [Гуҷарат] 50 ҳолати гирифторӣ ба вируси Чандипура ба қайд гирифта шудааст ва 16 нафар фавтидаанд” -- гуфт ӯ.

Вируси Чандипура ба номи деҳаи иёлати Маҳараштраи Ҳиндустон номгузорӣ шудааст, ки он бори аввал соли 1965 муайян карда шудааст. Паҳншавии он бо газидани магас алоқаманд аст. Аломатҳои вирус аз табларза, дарди сар, рагкашӣ ва аз даст додани ҳуш иборатанд, ки дар ҳолатҳои вазнин метавонад ба кома ва марг оварда расонад. Ягон табобат ё ваксина барои вируси Чандипур вуҷуд надорад, ки мубориза бар зидди он ба чораҳои пешгирикунанда нигаронида шудааст.

Ба гуфтаи Пател, маълумот дар бораи паҳншавии вирус ба ҳар як маҳал ва муассисаҳои тандурустӣ интиқол дода шудааст. Вазири тандурустии Гуҷарат амр додааст, ки безараргардонӣ ва табобати интенсивӣ барои беморон анҷом дода шаванд.

Дар Ҳиндустон, хуруҷи вируси Чандипура давра ба давра рух медиҳад. Ҳамин тариқ, дар соли 2003-ум 329 кӯдак ба ин беморӣ мубтало шуда, 183 ҳолат боиси марг шудааст.

Дар моҳи сентябри соли 2023 хуруҷи вируси Нипа дар Ҳиндустон рух дод, ки ду нафарро кушта ва садҳо нафари дигарро сироят карданд. Беморӣ аз ҳайвонот ба одам мегузарад, боиси варами майна мегардад ва дар 40-70 фоиз ҳолатҳо ба марг оварда мерасонад.