Hukumatning tegishli qarori bilan yurtimizda 24-25-avgust (shanba va yakshanba) kunlari Mustaqillik bayrami arafasida umumxalq xayriya hashari boʻlib oʻtadi.
Bu haqda Oʻzbekiston mahallalar uyushmasi xabar berdi.
Ushbu umumxalq xayriya hashari mahallalar, aholi turar joylari, xiyobonlar, istirohat bogʻlari, ziyoratgohlar, qabristonlar va boshqa joylarni obodonlashtirish maqsadida tashkil etilmoqda.
Bundan tashqari, shu kunlari aholining ijtimoiy himoyaga muhtoj qatlamlariga turli yordamlar koʻrsatiladi.
Bugun butun mamlakatimiz boʻylab eng chekka va olis hududlarda “Obod xonadon – obod koʻcha – obod mahalla” dasturlarini joriy etish maqsadida keng koʻlamli bunyodkorlik va obodonlashtirish ishlari olib borilyapti.
Mamlakatimizda “Obod qishloq”, “Obod mahalla” dasturlari doirasida boshlangan yurt obodligi, xalq farofonligi yoʻlidagi harakatlar, xususan, joylarda ichki yoʻllar, ichimlik suv, elektr energiyasi va gaz taʼminotini, taʼlim, sogʻliqni saqlash, madaniyat, sport va boshqa infratuzilma obyektlarini yaxshilash, shu asosda aholi uchun munosib turmush sharoiti yaratish borasidagi ishlar yangi bosqichga chiqdi.
Prezident Shavkat Mirziyoyev raisligida 11-oktabr kuni mahallalarni obod qilish va aholini o‘ylantirayotgan masalalarni hal etish bo‘yicha ustuvor vazifalar yuzasidan videoselektor yig‘ilishi o‘tkazildi.
