Shahrisabz davlat pedagogika institutida erta tongdan “Mahalla obod — yurt obod” shiori ostida umumxalq xayriya hashari koʻtarinki kayfiyatda boshlandi.
Bugun yurtimiz boʻylab Mustaqillik bayrami arafasida anʼanaviy umumxalq xayriya hashari “Mahalla obod — yurt obod” shiori ostida oʻtkazilmoqda.
Umumxalq xayriya hashar doirasida institut hududida reja asosida obodonlashtirish va koʻkalamzorlashtirish ishlari olib borilmoqda.
Ushbu umumxalq xayriya hasharda institut jamoasi, professor-oʻqituvchilari faol ishtirok etmoqda. Hududdagi barcha mevali daraxtlar oqlanmoqda, daraxtlarga shakl berilib, hudud atrofi begona oʻtlardan tozalanmoqda.
Bugun butun mamlakatimiz boʻylab eng chekka va olis hududlarda “Obod xonadon – obod koʻcha – obod mahalla” dasturlarini joriy etish maqsadida keng koʻlamli bunyodkorlik va obodonlashtirish ishlari olib borilyapti.
Mamlakatimizda “Obod qishloq”, “Obod mahalla” dasturlari doirasida boshlangan yurt obodligi, xalq farofonligi yoʻlidagi harakatlar, xususan, joylarda ichki yoʻllar, ichimlik suv, elektr energiyasi va gaz taʼminotini, taʼlim, sogʻliqni saqlash, madaniyat, sport va boshqa infratuzilma obyektlarini yaxshilash, shu asosda aholi uchun munosib turmush sharoiti yaratish borasidagi ishlar yangi bosqichga chiqdi.
Prezident Shavkat Mirziyoyev raisligida 11-oktabr kuni mahallalarni obod qilish va aholini o‘ylantirayotgan masalalarni hal etish bo‘yicha ustuvor vazifalar yuzasidan videoselektor yig‘ilishi o‘tkazildi.
