Ushbu dasturilamal hujjat nafaqat yurtimiz keng jamoat­chiligi, balki xorijiy davlatlar akademik-ekspert doirala­ri, diplomatik korpus vakillari orasida ham aks sado ber­moqda.

Murojaatnomada 2025-yil yakunlari sarhisob qili­nib, davlatni yanada barqaror rivojlantirish, xalq fa­rovonligini yuksaltirish, inson huquq va erkinlikla­rini himoya qilish borasidagi oʻta dolzarb vazifalar aniq-ravshan belgilab berildi. Mamlakatimiz rahbari oʻz chiqishida koʻplab xalqchil taklif va tashabbuslar­ni ilgari surdi. Ularning roʻyobi jamiyatda faollik­ni oshiradi, davlat va xalq oʻrtasida ochiq muloqotni mustahkamlaydi. Asosiysi, barchani umumiy maqsad — taraqqiy etgan va adolatli yangi Oʻzbekistonni barpo etish yoʻlida birlashtiradi.

Ayniqsa, 2026-yilning “Mahallani rivojlantirish va jamiyatni yuksaltirish yili” deb eʼlon qilinishi Murojaatnomaning butun mohiyatini oʻzida mujassam etgan strategik qaror boʻldi. Zero, mahalla oʻzbek ja­miyatining asrlar davomida shakllangan, aholini bir­lashtiruvchi va tarbiyalovchi muhim ijtimoiy insti­tutdir.

Keyingi yillarda ushbu institutni isloh qilish va uni xalq hayotiga yaqin, sa­marali tizimga aylantirish boʻyicha keng koʻlamli ishlar qilindi. Mahalla raisla­rining vakolat muddati 3 yildan 5 yilga uzaytirilib, “yettilik” vertikal tizimi yaratildi. Bu yerdagi har bir imkoniyatni loyihaga aylantirib, ish oʻrni yaratish uchun mahallalarga bankir va soliqchilar biriktirildi. Infratuzilma uchun ham alohida mablagʻ ajratilmoqda.

Albatta, mahalla institutini rivoj­lantirish masalasiga bu darajada katta eʼtibor qaratilayotgani bejiz emas. Chunki mahalla rivojlanishi bevosita jamiyat yuksalishiga xizmat qiladi. Faol mahal­la — faol fuqaro degani, faol fuqaro esa demokratik jamiyat poydevoridir. Bu jamoatchilik nazorati kuchayishiga, davlat va xalq oʻrtasida ishonch ortishiga xizmat qilib, islohotlar barqarorligini taʼ­minlaydi.

Yurt obodligi ham, eng avvalo, mahal­ladan boshlanadi. Shu maʼnoda, mahal­la infratuzilmasini tubdan yaxshilash orqali mamlakatimizni har tomonlama rivojlantirish, uning qiyofasini yanada goʻzal va obod qilish davom ettiriladi. Bu orqali mahallaning vakolat va imkoniyat­lari yanada kengayib, aholining turmush darajasi oshadi, ijtimoiy muammolar qisqaradi, jamiyatda ijtimoiy hamji­hatlik kuchayadi.

Yurtdoshlarimiz ilgari oddiy, mahal­la darajasida hal etiladigan masalalar boʻyicha ham tashkilotma-tashkilot, idora­ma-idora sarson-sargardon boʻlardi. Bu­gun mahallalarda vaziyat tubdan oʻzgargan. Hozir koʻplab masalalar ortiqcha qogʻoz­bozliksiz, yugur-yugurlarsiz mahallaning oʻzida hal boʻlmoqda.

Inson qadri ulugʻlanayotgan mahalla­larda yuz berayotgan bunday oʻzgarishlar odamlarning hayotga intilishini oshir­moqda. Xalqimiz turmush darajasi bu­tunlay oʻzgarib, islohotlar samarasini har bir inson oʻz kundalik hayotida his qilyapti, sezyapti. Eng muhimi, odamlar­ga orzu-havaslar, faxr-iftixor, shodlik qaytmoqda.

2026-yildan mahallani rivojlanti­rish boʻyicha kompleks yondashuv joriy etilishi mutlaqo toʻgʻri va oqilona qaror boʻldi deb oʻylayman. Bu, oʻz navbatida, yosh­larning boʻsh vaqtini mazmunli tashkil etish, sport, madaniyat, kitobxonlikni ri­vojlantirish, yoʻl, ichimlik suv, elektr, internet bilan bogʻliq muammolarni bos­qichma-bosqich hal qilish, maktab, bogʻcha, tibbiyot punkti holatini yaxshilashga im­kon beradi.

Har bir viloyatda 2-3 tadan tuman tan­lanib, mahallalardagi barcha muammolar­ni hal qiladigan tizim yaratilishi, ularda bir vaqtning oʻzida tadbirkorlik infratu­zilmasi ham rivojlantirilishi va ushbu maqsadlar uchun barcha manbalar hisobidan 8,5 trillion soʻm ajratilishi aholi band­ligini taʼminlash, fuqarolarni zamona­viy kasb-hunar va tadbirkorlikka oʻqitish, kambagʻallikni qisqartirishga xizmat qi­lishi shubhasiz.

Deputatlarga oʻz okrugidagi muammo­larni hal etish uchun 500 milliard soʻm, har bir deputatga 3,3 milliard soʻmdan berilishi ham ayni muddao boʻldi. Zero, ushbu mablagʻ yoʻl, ichimlik suv, elektr, gaz muammolari, maktab, bogʻcha, shifoxonalar­ni taʼmirlash, mahalla infratuzilmasini yaxshilash kabi eng dolzarb masalalarni hal qilishga sarflanadi. Odamlar endi oʻz muammosi bilan tuman, viloyat markaziga borib ovora boʻlmaydi. Bu orqali odamlar­ni uzoq yillardan buyon qiynab kelayotgan muammolarga shu yerning oʻzida yechim topi­ladi. Ayting, inson qadri shu emasmi, as­lida?!

Yana bir muhim gap. Bugun dunyoning yi­rik shaharlari kabi yurtimizda ham ekolo­giya masalasi juda dolzarb hisoblanadi. Shu sababli yashil hudud, “yashil bogʻ” yara­tish boʻyicha har bir deputatning tashabbu­siga qoʻshimcha 330 million soʻmdan yoʻnal­tirilishi gʻoyat muhim. Bu mablagʻ daraxt ekish, bogʻ va istirohat hududlari barpo etish, koʻkalamzorlashtirish uchun ishla­tiladi. Yashil hududlar esa inson hayoti sifatini oshirish, tabiatni muhofaza qilish va barqaror rivojlanishni taʼ­minlashga imkon beradi. Umuman, bular­ning barchasi 2030-yilgacha sharoiti ogʻir barcha tumanlardagi mahallalarga yangi Oʻzbekiston qiyofasini olib kirishga za­min yaratadi.

2026-yilda ilk bor mahalla infra­tuzilmasini rivojlantirish uchun 20 trillion soʻm viloyatlarning oʻziga beri­lishi mahallani faqat ijtimoiy ins­titut emas, balki hududni rivojlanti­rishning asosiy boʻgʻiniga aylantiradi. Davlatimiz rahbarining xalqimizni hayotdan rozi qilishdek ulugʻvor maqsadga erishish yoʻlida islohotlarni “mahalla­bay” asosda amalga oshirish, barcha qish­loq va mahallalarimizni jadal rivoj­lantirishga birinchi darajali eʼtibor qaratayotgani yangi Oʻzbekistonda har bir fuqaro, har bir inson davlatimiz eʼtibo­rida ekanini anglatadi.

Ayonki, bugun iqtisodiy taraqqiyotni tadbirkorlar faoliyatisiz tasavvur etib boʻlmaydi. Zero, tadbirkorlar qancha koʻp boʻlsa va koʻproq daromad koʻrsa, davlat ham shuncha boy boʻladi. Shu bois, ishning koʻzini biladigan, vatanparvar va fidoyi tadbirkorlar davlatimiz tomonidan alohida qoʻllab- quvvatlanmoqda.

Soha vakillari ularga yaratib beri­layotgan qulay sharoit, qator yengillik va erkinliklardan kuch olib, iqtisodiyotimiz lokomotiviga aylanib boryapti. Qulay tad­birkorlik muhiti yaratish borasidagi ish­lar samarasi yangidan yangi ishlab chiqarish quvvatlari barpo etilayotgani, ishbilar­monlar safi tobora kengayib borayotgani­da yaqqol namoyon boʻlmoqda.

Murojaatnomada tadbirkorlikni qoʻllab-quvvatlash boʻyicha siyosat davom ettirilishi, 2026-yilda asosiy soliq stavkalari oʻzgarishsiz qoldirilishi, tad­birkorlik infratuzilmasi loyihalariga 10 trillion soʻmdan ziyod mablagʻ ajratili­shi aytildiki, bu minglab tadbirkorlar­ning ayni koʻnglidagi gap boʻldi. Bu ularni yangi marralar sari ruhlantirgani, faol­likka chorlagani ham bor gap. Oʻz navbatida, bu imkoniyatlar biznesni yanada rivojlan­tirish, ish oʻrinlari tashkil etishga qara­tilgani bilan diqqatga sazovordir.

Bugun tadbirkorlik eng katta va ayni paytda milliy iqtisodiyotimizning mu­him yoʻnalishlaridan biriga aylandi. Sohadagi izchil islohotlar, kichik biznes vakillarining har tomonlama qoʻllab-quv­vatlanishi yaqin vaqt ichida tadbirkorlar soni yanada ortib, iqtisodiy barqarorlik taʼminlanishi, aholi farovonligi oshi­shiga xizmat qilishi shubhasiz.

Xulosa qilib aytganda, davlatimiz rahbarining parlament va xalqimizga yoʻllagan Murojaatnomasi yurt taraqqiyo­tining 2026-yildagi dolzarb yoʻnalishla­ri va istiqbollarini qamrab olgan juda muhim strategik hujjat boʻldi. Shunday ekan, har birimiz islohotlar jarayoni­ga hissamizni qoʻshishimiz, inson qadri ulugʻlangan yurt rivoji, taraqqiyoti uchun bor kuch va salohiyatimizni safarbar eti­shimiz, belgilangan vazifalar ijrosini taʼminlashda yanada faol va tashabbuskor boʻlishimiz lozim. Zotan, agar hammamiz bir tanu bir jon boʻlib harakat qilsak, koʻzlagan ezgu maqsadlarimizga, albatta, erishamiz.

Nargiza SALOMOVA,

Oliy Majlis Qonunchilik palatasi deputati