Tadqiqotda ushbu neyrodegenerativ kasallikning dastlabki bosqichida bo'lgan 1800 kishi ishtirok etdi. 18 oy davomida har ikki haftada ishtirokchilar lekanemab yoki platsebo (nazorat guruhi uchun) qabul qilishdi.
Olimlar kognitiv va funksional qobiliyatlarni o'lchaydigan 18 ballik shkala yordamida o'zgarishlarni kuzatdilar.
Dori qabul qilganlarda aqliy qobiliyat sekinroq pasaydi, ammo ikkinchi guruh bilan farq bu shkala bo'yicha yarim balldan oshmaydi. Bundan tashqari, tadqiqot davomida lekanemab olgan bemorlarda kasallikning keyingi bosqichiga o'tish ehtimoli 31 foizga kam bo'lgan.
Bunday dorilar amiloidga qaratilgan bo'lib, ular miyada shish va qon ketishini o'z ichiga olgan yon ta'sirga olib kelishi mumkin. Ushbu shishning bir turi bemorlarning taxminan 13 foizida kuzatilgan, ammo olimlar ko'pchilikda u engil yoki alomatsiz shaklda o'tganligini ta'kidlashdi.
Mualliflarning fikricha, tadqiqotning kamtarona natijalariga qaramay, ular klinik ahamiyatga ega, chunki kasallikning rivojlanishini bir necha oyga kechiktirish ham ba'zi odamlar uchun foydali bo'lishi mumkin.
AQSH oziq-ovqat va farmatsevtika idorasi (FDA) hozirda lekanemabni tezkor tasdiqlashni ko'rib chiqmoqda, qaror 2023-yil yanvar oyida qabul qilinadi.
Agar tasdiqlansa, lekanemab AQSH bozoridagi ikkinchi antiamiloid dori bo'ladi.
