Amerikalik milliarder va biznesmen Ilon Mask sunʼiy intellektga asoslangan Grok nomli chatbotni ishga tushirishini maʼlum qildi. U X ijtimoiy tarmog‘i foydalanuvchilari uchun mavjud bo‘ladi, lekin faqat premium versiyaga obuna bo‘lganlar uchun. Bu haqda 5 noyabr, yakshanba kuni Ilon Maskning o‘zi X ijtimoiy tarmog‘ida maʼlum qildi.
“xAIning Grok tizimi beta-versiyasining dastlabki sinov testidan chiqqach, u barcha X premium obunachilari uchun mavjud bo‘ladi”, deb yozgan Mask.
Uning so‘zlariga ko‘ra, Grok X platformasi orqali real vaqtda maʼlumot olish imkoniyatiga ega, Mask buni “boshqa modellarga nisbatan katta afzallik” deb atamoqda.
Loyiha tavsifida aytilishicha, Grok "Kosmik sayyohlar uchun galaktika bo‘yicha qo‘llanma" modelida yaratilgan bo‘lib, u deyarli hamma narsaga javob beradi. Mukammal savollar tuzib bera oladi va albatta berilgan qiyin savollarga ham javob topa oladi. Hazil va hatto kinoya bilan ham javob bera oladi.
