Ushbu jarayonda Andijon, Buxoro, Jizzax, Qashqadaryo, Navoiy, Namangan, Samarqand, Surxondaryo, Xorazm, Toshkent va Fargʻona viloyatlari, shuningdek, Toshkent shahri qamrab olindi.

Tekshiruvlar natijasida 344 ta maʼmuriy huquqbuzarlik holati aniqlandi. Ulardan:

• 224 ta ish boʻyicha jarimalar toʻlangan,
• 116 ta ish boʻyicha sud qarorlari ijrosi kutilmoqda,
• 4 ta ish hozirda sudda koʻrib chiqilmoqda.

Huquqbuzarlik holatlari Administrativ javobgarlik toʻgʻrisidagi kodeksning 193⁻⁴-moddasiga muvofiq rasmiylashtirilib, “E-maʼmuriy ish” tizimi orqali sudlarga yuborildi.

Manfaatlar toʻqnashuviga yoʻl qoʻyilgan holatlar sohalar kesimida:

• 212 nafar – mahalliy hokimliklar,
• 31 nafar – qishloq xoʻjaligi,
• 24 nafar – yoshlar siyosati,
• 13 nafar – maktab va maktabgacha taʼlim,
• 10 nafar – moliya tizimi,
• 9 nafar – bandlik sohasi,
• 6 nafar – kadastr,
• 5 nafardan – sanitariya va favqulodda vaziyatlar,
• 4 nafardan – sogʻliqni saqlash va ekologiya,
• 3 nafardan – veterinariya, sport, oliy taʼlim va adliya,
• 2 nafardan – madaniyat, investitsiya, suv xoʻjaligi,
• 1 nafardan – oila va xotin-qizlar, qurilish hamda ilmiy-tadqiqot muassasalarida.

Agentlik tomonidan bu kabi holatlarning oldini olish ishlari davom ettirilmoqda.