Dastur doirasida har yili «Sayohat barcha uchun!» loyihasi doirasida Qoraqalpog‘iston Respublikasi, viloyatlar va Toshkent shahrida ming nafardan nogironligi bo‘lgan shaxslarning respublikaning turizm
salohiyati yuqori bo‘lgan shaharlariga bepul sayohatlari tashkil etiladi.
Shuningdek, turizm, madaniy meros, konsert-tomosha ob'ektlari hamda aeroport, avto va temir yo‘l vokzallarida nogironligi bo‘lgan shaxslarning to‘siqsiz harakatlanishi uchun zarur infratuzilma yaratish mexanizmlari joriy etiladi, deb xabar beradi Madaniyat va Turizm vazirligi matbuot xizmati.
