Bu haqda tuman hokimligi axborot xizmati maʼlum qildi.
Qayd etilishicha, nufuzli musobaqada dunyoning 13 davlati — Oʻzbekiston, Belgiya, Kanada, Ispaniya, Fransiya, Germaniya, Sloveniya, Shveytsariya, Qatar, Rossiya, Eron, Portugaliya va Qozogʻistondan tashrif buyurgan 100 nafardan ziyod sportchi ishtirok etmoqda.
Bellashuvlar yakka tartib va jamoaviy yoʻnalishlarda oʻtkazilib, sportchilar 750 metrga ochiq suv havzasida suzish, 19 kilometr velopoyga hamda 5 kilometr yugurish bosqichlarida oʻz mahoratlarini namoyon etadilar.
