Qayd etilishicha, Toshkent aeroportida shamol yoʻnalishining oʻzgarishi tufayli mahalliy vaqt bilan soat 16:03 da havo kemalarini qabul qilish va joʻnatish boʻyicha vaqtinchalik cheklovlar joriy etildi.
Shu sababli bir nechta reys:
- “Qanot Sharq” aviakompaniyasining Kamran — Toshkent yoʻnalishidagi HH-2232 reysi (qoʻnish 16:35 da);
- “Uzbekistan Airways” aviakompaniyasining HY-9732 Maxachqalʼa — Toshkent yoʻnalishi boʻyicha (qoʻnish soat 16:42);
- “Uzbekistan Airways” aviakompaniyasining Dehli — Toshkent yoʻnalishi boʻyicha HY-424 (qoʻnish 16:51) Samarqanddagi zaxira aerodromiga yoʻnaltirildi.
- Shuningdek, “Air Astana” aviakompaniyasining Astana — Toshkent yoʻnalishidagi KS-123 reysi Turkistondagi zaxira aerodromga yoʻl olishga qaror qildi.
Mahalliy vaqt bilan soat 16:30 da vaziyat barqarorlashdi, Toshkent aeroportida havo kemalarini qabul qilish va joʻnatish boʻyicha cheklovlar bekor qilindi. Aeroport odatdagi tartibda ishlamoqda. Zaxira aerodromlarga qoʻngan samolyotlar Toshkentga uchishga tayyorlanmoqda.
Shuni taʼkidlash joizki, shamol siljishi — bu qisqa masofa davomida shamolning yoʻnalishi yoki tezligi keskin oʻzgaradigan holat. U gorizontal yoki vertikal boʻlishi mumkin va samolyotga gorizontal parvoz, koʻtarilish yoki qoʻnish paytida taʼsir koʻrsatadi, — deyiladi xabarda.
