Qayd etilishicha, noqulay ob-havo sharoiti tufayli va Istanbul xalqaro aeroporti maʼmuriyatining qaroriga koʻra, faqat 2025-yilning 20/21 va 21/22-fevral kunlari “Uzbekistan Airways” Toshkent – Istanbul – Toshkent yoʻnalishi boʻyicha HY281/282 aviaqatnovlarini bekor qildi.
Murakkab ob-havo sharoiti va yogʻingarchilik (qor yogʻishi) kutilayotganini hisobga olgan holda, yoʻlovchilardan parvozga roʻyxatdan oʻtish uchun oldinroq kelishlari soʻraladi.
Qaror Meteorologiya aviatsiyasini muvofiqlashtirish qoʻmitasining joriy yil 18-fevraldagi Istanbul xalqaro aeroportidagi inqirozli vaziyat boʻyicha majburiy va tavsiyaviy talablari asosida qabul qilingan.
Eslatib oʻtamiz, “Uzbekistan Airways” uchun yoʻlovchilar xavfsizligi birinchi oʻrinda turadi, — deyiladi xabarda.
