Dastlab mehmonlar viloyatda qulay sarmoyaviy muhit yaratilgani, turizm, qurilish, kommunal, energetika, yengil sanoat, kimyo hamda boshqa sohalardagi rivojlanishlar bilan tanishtirildi.
Oʻz navbatida Shinjon-Uygʻur avtonom rayonining Savdo sanoat palatasi rahbari ham viloyat hududida bir qator yirik loyihalarni amalga oshirishni reja qilinganini taʼkidladi. Xususan, joriy yil yil yakunida ikki tomon oʻrtasida oʻzaro biznes-forum oʻtkazishga kelishildi.
Shu bilan birga Xitoyning bir qator kompaniya vakillari ham oʻzlarining Toshkent viloyatida misni qayta ishlash, zargarlik, qurilish materiallari, qishloq xoʻjaligi sohalari va tibbiyot asbob-uskunalarini ishlab chiqarish loyihalarini amalga oshirish istaklari borligini bildirib, loyihalari taqdimotini oʻtkazdi.
Zoyir Mirzayev mazkur takliflarni qoʻllab-quvvatlab, har tomonlama yordam koʻrsatishga tayyorligini bildirdi.
Uchrashuv yakunida tomonlar amaliy hamkorlik yoʻnalishlarini yana koʻrib chiqishga kelishib oldilar, deb xabar beradi Toshkent viloyat hokimligi matbuot xizmati.
