“Uzbekistan Airways” matbuot xizmatining xabar berishicha, parvozlar xavfsizligini maksimal darajada taʼminlash maqsadida, shuningdek Pokiston va Hindiston chegarasi yaqinidagi havo hududidan vaqtincha oʻtishga qoʻyilgan cheklovlar sababli, Deli, Mumbay, Bangkok, Kuala-Lumpur, Pxuket kabi shaharlar yoʻnalishidagi reyslarning marshrutlari oʻzgartiriladi.
Shaharlar roʻyxati yangilanishi, marshrutlarga qoʻshimcha tuzatishlar kiritilishi mumkin. Dastlabki hisob-kitoblarga koʻra, yoʻnalishga qarab sayohat vaqti 1,5 soat yoki undan ortiqqa koʻpayadi.
“Uzbekistan Airways” vaziyatni doimiy ravishda kuzatib bormoqda va Yaqin Sharq hamda Osiyo-Tinch okeani mintaqasi yoʻnalishlari boʻyicha parvoz qiluvchi yoʻlovchilarni oʻzining rasmiy axborot kanallari orqali xabardor qiladi, — deyiladi xabarda.
