AOKAda oʻtkazilgan brifingda Oliy Majlisning Inson huquqlari boʻyicha vakili axborot xizmati rahbari Fotima Madrahimova 2022-yilda chet elda ota-ona qaramogʻisiz qolib ketgan 43 nafar bola Oʻzbekistonga olib kelingani haqida maʼlum qildi.
Uning taʼkidlashicha, Bola huquqlari boʻyicha vakil tomonidan chet elda ota-ona qaramogʻisiz qolib ketgan bolalarni yurtimizga qaytarishda Ichki ishlar vazirligi bilan keng hamkorlik qilinmoqda.
2022-yil davomida Rossiya Federatsiyasidan jami 37 nafar voyaga yetmaganlar, Qozogʻiston Respublikasidan 4 nafar voyaga yetmaganlar, Turkiya davlatidan 2 nafar voyaga yetmaganlar jami 43 nafar bola Oʻzbekistonga olib kelindi.
