Hukumat tomonidan bugundan boshlab qoʻlda terilgan 1 kg. paxta uchun 2500 soʻmdan toʻlash belgilandi.
Bu haqda Qashqadaryo viloyati hokimligi matbuot xizmati xabar berdi.
Qayd etilishicha, ushbu narx aholi daromadlari oshishiga ham xizmat qiladi. Masalan, bir oiladan 4 kishi kuniga 400 kg. paxta terib, 1 000 000 soʻm ishlab topsa, bu qolgan 20-25 kunlik terimda 20-25 mln. oilaviy daromad degani, — deyiladi matbuot xizmati xabarida.
Bosh prokuratura huzuridagi Departamentning Margʻilon shahar boʻlimi tomonidan oʻtkazilgan tergovga qadar tekshiruvda Fargʻona viloyatining Margʻilon shahrida yashovchi fuqaroni Janubiy Koreyaga ishga yubormoqchi boʻlgan firibgar ushlandi.
Shu yilning 7-oktyabr kuni Qashqadaryo viloyatining Gʻuzor tumanda “Mersedes-Benz” va “Labo” rusumli transport vositasilari toʻqnashishi oqibatida “Labo” rusumli transport vositasida boʻlgan 2 nafar fuqaro voqea joyida vafot etgan.
Osiyo taraqqiyot banki (OTB) Tojikistonga oʻz energetika tizimini Oʻzbekiston bilan tarmoqlararo ulanish orqali Markaziy Osiyo energotizimiga ulashi uchun 15 million dollar miqdoridagi grant mablagʻi ajratdi.
Toshkent viloyati Ekologiya boshqarmasi inspektorlari tomonidan Oʻrta Chirchiq tumani Oʻrtaboʻz MFY hududida joylashgan Toshkent dengizi hududida noqonuniy baliq ovlashni oldini olish maqsadida nazorat reyd tadbiri oʻtkazildi.
