Ҳукумат томонидан бугундан бошлаб қўлда терилган 1 кг. пахта учун 2500 сўмдан тўлаш белгиланди.
Бу ҳақда Қашқадарё вилояти ҳокимлиги матбуот хизмати хабар берди.
Қайд этилишича, ушбу нарх аҳоли даромадлари ошишига ҳам хизмат қилади. Масалан, бир оиладан 4 киши кунига 400 кг. пахта териб, 1 000 000 сўм ишлаб топса, бу қолган 20-25 кунлик теримда 20-25 млн. оилавий даромад дегани, — дейилади матбуот хизмати хабарида.
Жорий йил пахта йиғим-терим ишларида республика бўйича жами 1 690 дона, шундан 609 дона 2024 йилда янги лизинг асосида харид қилинадиган пахта териш машиналари қатнашиши режалаштирилган.
Қишлоқ хўжалиги вазири Азиз Воитов Ўзбекистонда бу соҳада давлат томонидан белгилаш амалиёти бекор қилингани ва пахтанинг нархини, бозор иқтисодиёти қонунларига мувофиқ, харидорлар (пахта-тўқимачилик кластерлари) ва сотувчилар (фермерлар) белгилашини таъкидлади.
Ижтимоий тармоқларда Андижон вилоятининг Балиқчи туманидаги пахта қабул қилиш масканларидан бирида ёнғин чиққани ҳақида хабарлар тарқалди. Ҳолатга Қишлоқ хўжалиги вазирлиги матбуот хизмати муносабат билдирди.
