Илаж Түркменстан Мажлиси тәрепинен БМШтың Халықтаныў қоры (ЮНФПА) менен биргеликте халықаралық шөлкемлер ҳәм сегиз мәмлекет парламентлериниң ўәкиллери қатнасыўында шөлкемлестирилди.
Сөйлесиў даўамында Өзбекстан делегациясы ағзалары ҳаял-қызлардың ҳуқықларын тәмийинлеў бойынша нызамшылық ҳәм институционаллық механизмлерди жетилистириў бойынша миллий тәжирийбе менен таныстырып, гендер белгиленген зорлықтың алдын алыў ҳәм оған қарсы гүресиў мәселелерине айрықша итибар қаратты.
Заманагөй қәўип-қәтерлерге, соның ишинде, зорлықтың кибербуллинг, онлайн қәўип-қәтерлер ҳәм психологиялық басым сыяқлы жаңа түрлериниң тарқалыўына нәтийжели жуўаплар ислеп шығыў зәрүрлигине айрықша итибар қаратылды. Нызамшылықты буннан былай да бейимлестириў, санлы қорғаў қуралларынан пайдаланыўды кеңейтиў, сондай-ақ, бул тараўда парламентлердиң ролин күшейтиў әҳмийетли екенлиги атап өтилди.
Буннан тысқары, Өзбекстан делегациясы мәмлекетимизде ҳаял-қызлар ҳәм балаларды қорғаў системасын күшейтиў, социаллық қоллап-қуўатлаў механизмлерин раўажландырыў ҳәм зорлықтың алдын алыў бойынша уйымлараралық бирге ислесиў нәтийжелилигин арттырыўға қаратылған комплексли реформалар ҳаққында мағлыўмат берди.
