Салтанатлы мәресим "Қаср Аль-Ватан"
резиденциясында болып өтти, онда мәмлекетимиз басшысы жаңадан тайынланған сырт
ел елшилери, соның ишинде, Өзбекстан ўәкилинен исеним жарлықларын қабыл етти,
деп хабар бермекте "Дунё" МА.
Сөйлесиўде БАӘ Президенти еки тәреплеме қатнасықлардың
жағдайын жоқары баҳалап, елшиге көп қырлы бирге ислесиўди, әсиресе,
саўда-экономикалық, инвестициялық ҳәм туризм тараўларындағы байланысларды
буннан былай да беккемлеўде табыслар тиледи.
Әмирликлер тәрепи Умид Шодиев дипломатиялық миссиясын
нәтийжели әмелге асырыўы ушын зәрүр шараятларды жаратыўға таяр екенин билдирди.
Өз гезегинде елши БАӘ Президентине Өзбекстан
Президенти Шавкат Мирзиёевтиң қызғын сәлеми ҳәм ҳүрметин жеткерди. Еки мәмлекет
жетекшилериниң сиясий ерк-ықрары себепли жоқары дәрежедеги қатнасықлар сапа
жағынан жаңа басқышқа көтерилгенин атап өтип, стратегиялық шерикликти буннан
былай да кеңейтиў ушын барлық имканиятларды иске қосыўға таяр екенин билдирди.
Еслетип өтемиз, Умид Шодиев 2022-2025-жыллары
мәмлекетимиздиң БАӘдағы елшиханасына басшылық еткен ҳәм 2025-жыл декабрьде
Өзбекстан Туризм комитетиниң баслығы етип тайынланған Абдулазиз Аққуловтың
орнына тайынланған еди.
