Uzbekistan Airports баспасөз хызметиниң мәлим етиўинше, жергиликли ўақыт пенен саат 01:15 те аэропортта «Air Atlanta Icelandic» авиакомпаниясының "Boeing 747-400" самолётында Бельгияның Льеж қаласынан 93 тонна тири қара мал алып келинген жүк рейси қабыл етилген.
Кемеде Германия ҳәм Австриядан алып келинген симментал ҳәм голштин нәсилли сыйырлар бар еди.
Мағлыўмат ушын: симменталлар гөш ҳәм сүт өнимлери универсаллығы, голштинлер болса жоқары сүт ҳәм өнимдарлығы менен белгили.
Тири жүкти алып шығыў ҳәм қайта ислеў барлық ветеринария талапларына әмел еткен ҳалда жедел түрде әмелге асырылды.
Аэропорт қәнигелери жүк операцияларын таярлаў ҳәм муўапықластырыўдың жоқары дәрежесин тастыйықлап, қәўипсиз түсиў-өткериў хызметин көрсетти.
