Бул Қолланба атмосфера ҳаўасын патасландырыўшы дәреклерди хатлаўдан өткериў ҳәм оған тасланып атырған патасландырыўшы элементлердиң муғдарын белгилеў тәртибин белгилейди.

Атмосфера ҳаўасын патасландырыўшы дәреклерди хатлаўдан өткериў төмендеги басқышларда әмелге асырылады:

атмосфера ҳаўасын патасландырыўшы дәреклерди хатлаўдан өткериў ушын таярлық көриў;

атмосфера ҳаўасын патасландырыўшы дәреклерди хатлаўдан өткериўде өлшеўлер өткериў ҳәм есап-санақ жумысларын орынлаў;

атмосфера ҳаўасын патасландырыўшы дәреклерди хатлаўдан өткериў нәтийжелерин рәсмийлестириў;

атмосфера ҳаўасын патасландырыўшы дәреклерди хатлаўдан өткериў нәтийжелерин келисиў ҳәм тастыйықлаў.

Атмосфера ҳаўасын патасландырыўшы дәреклерди хатлаўдан өткериў атмосфера ҳаўасына патасландырыўшы затларды шығаратуғын шөлкемлер тәрепинен еркин түрде әмелге асырылады.

Объект тәрепинен атмосфера ҳаўасын патасландырыўшы дәреклерди хатлаўдан өткериў нәтийжелери бойынша дүзилген материаллар рәсмийлестириледи ҳәм объект басшысы тәрепинен тастыйықланады.

Онда, бул материаллар объект басшысы тастыйықлаған күннен баслап бир жумыс күни ишинде Экология, қоршаған орталықты қорғаў ҳәм климат өзгериўи министрлигиниң аймақлық уйымына көрип шығыў ушын усынылады ҳәм олар усынылған күннен баслап 15 күн ишинде көрип шығылады.