Экономика ҳәм қаржы министриниң буйрығы (14.07.2025 ж. АВ дизим саны 3649) менен Көшпес мүлкти ғалабалық баҳалаў методикасы тастыйықланды.
Ҳүжжет Президенттиң 05.03.2025-жылдағы "Көшпес мүлкти ғалабалық баҳалаў системасын енгизиў ҳаққында"ғы ПП-43-санлы Пәрманына муўапық ислеп шығылған.
Ғалабалық баҳалаў Кадастр агентлиги жанындағы Көшпес мүлкти ғалабалық баҳалаў миллий орайы тәрепинен өткериледи.
Ғалабалық баҳалаўды өткериў тәртиби төмендегилерди өз ишине алады:
объектлердиң баҳасын анықлаў ушын зәрүр болған мағлыўматларды, соның ишинде, көшпес мүлк базары ҳаққындағы мағлыўматларды топлаў ҳәм таллаў;
ғалабалық баҳалаўға тийисли объектлерди топарластырыў;
баҳа ҳәм баҳалаў бойынша көшпес мүлк базары ҳаққындағы мағлыўматларды таллаў тийкарында объектлерди сегментлеў жолы менен ғалаба баҳаланыўы керек болған аймақларды зоналастырыў;
баҳаны қәлиплестириўши факторларды ҳәм олардың объектлердиң баҳасын анықлаўға тәсир дәрежесин (коэффициентин) анықлаў;
объектлердиң баҳасын анықлаў;
ғалабалық баҳалаў нәтийжелерин тастыйықлаў.
Ғалабалық баҳалаўды басқышпа-басқыш әмелге асырыў режелестирилмекте:
2025-2026-жылларда - тәжирийбе тәризинде Ташкент қаласында;
2026-2027-жылларда - Нөкис қаласы ҳәм ўәлаят орайларында;
2027-жыл ҳәм оннан кейинги жылларда - қалған аймақларда.
Төмендеги мағлыўматлар алынады ҳәм анализленеди:
баҳаны қәлиплестириўши факторлар;
электрон саўда майданлары, соның ишинде, объектлерди сатыў ҳәм ижараға бериў, сондай-ақ, көшпес мүлк пенен байланыслы операциялар бойынша шөлкемлерде дүзилген нотариал тастыйықланған келисимлер ҳаққындағы дағазалар, сондай-ақ, коммерциялық банклер ҳәм басқа да кредит шөлкемлериниң объектлердиң гиреў баҳасын өз ишине алған мағлыўматлары;
ҳәр қыйлы баҳалаў көзқараслары шеңберинде объектлердиң баҳасын анықлаў ушын зәрүр болған басқа мағлыўматлар.
Ҳүжжет Нызам ҳүжжетлери мағлыўматлары миллий базасында жәрияланған ҳәм 14.07.2025-жылдан күшке кирди.
