Бул ҳаққында Өзбекстан Республикасы Президентиниң "Пуқаралардың ҳүждан еркинлиги ҳуқықының кепилликлерин буннан былай да беккемлеў ҳәм диний-ағартыўшылық тараўындағы реформаларды жаңа басқышқа алып шығыў илажлары ҳаққында"ғы пәрманында мәлим етилди.
Муўапықластырыўшы кеңес диний-ағартыўшылық тараўда билимлендириў, илим ҳәм илимий-изертлеў жумысларының барлық процесслерин муўапықластырыў мәселелерине жуўапкер болған мәсләҳәт уйымы болып есапланады.
Кеңес төмендеги шөлкемлердиң билимлендириў ҳәм илимий-изертлеўге байланыслы жумысын муўапықластырады:
- Өзбекстандағы Ислам цивилизациясы орайы;
- Имам Бухарий халықаралық илимий-изертлеў орайы;
- Имам Мотуридий халықаралық илимий-изертлеў орайы;
- Өзбекстан халықаралық исламтаныў академиясы;
- басқа диний-ағартыўшылық мәкемелери.
Сондай-ақ, Конфессиялар ислери бойынша кеңестиң жумысы жетилистирилип, оның қурамына сиясий ғайраткерлер, жәмийетлик белсендилер, динтаныўшы илимпаз ҳәм қәнигелер бақлаўшы сыпатында киргизиледи.
Пәрманға бола, Бухара ўәлаятында Баҳауддин Нақшбанд илимий-изертлеў орайы шөлкемлестириледи.
Уллы бабамыз Баҳаўаддин Нақшбанд ҳәм нақшбандийлик тариқаты уламаларының жоқары адамгершилик идеяларын илимий тийкарда үйрениў бул орайдың тийкарғы ўазыйпаларынан бири етип белгиленди.
Имам Мотуридий халықаралық илимий-изертлеў орайы Министрлер Кабинетиниң бойсыныўына өткерилди.
Ол исламтаныў бағдарындағы илимий изертлеўлерди және дин менен байланыслы процесслер бойынша таллаўларды әмелге асыратуғын илимий-изертлеў мәкемеси етип белгиленди.
