Сондай-ақ, мәмлекетлик сырлардан пайдаланыў ҳәм оларды қорғаў, мәмлекетлик сырлар менен байланыслы басқа да жумысты әмелге асырыў ўақтында жүзеге келетуғын қатнасықларды тәртипке салады.
Мәмлекетлик сырлар тараўындағы бирден-бир мәмлекетлик сиясат Президент тәрепинен белгиленеди.
Мәмлекетлик қәўипсизлик хызмети мәмлекет сырлары тараўындағы арнаўлы ўәкилликли мәмлекетлик уйым болып есапланады.
Мағлыўматларды мәмлекетлик сырлар қатарына киргизиў ҳәм оларды қәўипсизлестириў Өзбекстанда қәўипсизлестирилиўи керек болған мағлыўматлар дизимине тийкарланып әмелге асырылады.
Мәмлекетлик сырлардан пайдаланыўшы шөлкемлердиң басшылары мағлыўматларды мәмлекетлик сырлар қатарына киргизиў ҳаққындағы өз қарарлары ушын жеке жуўапкер болады.
Мәмлекетлик сырларды қурайтуғын мағлыўматлардың жасырынлығының төмендеги үш дәрежеси ҳәм усы дәрежелерге сәйкес келетуғын усы мағлыўматлардың тасыўшылары ушын сыр сақлаў грифлери белгиленеди:
Сыр сақлаўдың биринши дәрежеси - "Әсиресе әҳмийетли";
Сыр сақлаўдың екинши дәрежеси - "Пүткиллей сырлы";
Сыр сақлаўдың үшинши дәрежеси - "Сырлы."
Мәмлекетлик сырларды қурайтуғын мағлыўматларды жасырыў мүддети мәмлекетлик әҳмийетке ийе болған сыр ушын - 30 жылдан ҳәм хызмет сыры ушын - 10 жылдан аспаўы керек.
Нызам рәсмий жәрияланған күннен баслап 3 ай өткеннен соң күшке киреди.
