Форумда дүньяның 70 тен аслам мәмлекетинен мәмлекетлик хызметкерлер, жетекши экспертлер, 120 ға шамалас халықаралық шөлкемлер ҳәм илимий жәмийетшилик ўәкиллери қатнасты, деп хабар береди "Дунё" МА.
Күн тәртибинде суўғарыўдың глобал әҳмийети, азық-аўқат қәўипсизлиги тараўында регионаллық бирге ислесиў, суўды үнемлейтуғын технологияларды енгизиў ҳәм трансшегаралық суў ресурсларынан нәтийжели пайдаланыў мәселелери додаланды.
Форум шеңберинде Өзбекстан Суў хожалығы министрлиги делегациясы мәмлекетимиздиң суў ресурсларын басқарыў тараўындағы жетискенликлери менен таныстырды. Әсиресе, 2 миллион гектар суўғарылатуғын жерлерде суўды үнемлейтуғын технологияларды енгизиў ҳәм жылына 2 миллиард куб метрге шекем суўды үнемлеў жойбарлары қатнасыўшылардың итибарын тартты.
Өзбекстанның "Дослық" ҳәм "Эски Туятортар" каналлары Пүткил жер жүзилик ирригациялық мийрас объектлери сыпатында тән алыныўы әҳмийетли ўақыя болды. Олар "WHIS Award-2025" сыйлығы сертификатлары менен сыйлықланды.
Комиссияның бас хаткери Риши Кумар Гупта бул каналлар тек ғана регионаллық емес, ал дүнья жүзи көлеминдеги баҳалы ирригациялық мийрас екенин, Өзбекстанның бул қурылмаларды сақлап қалыў ҳәм модернизациялаў бағдарындағы ҳәрекетлериниң әҳмийетин атап өтти.
