Атап өтилиўинше, ўәлаят ҳәкими Хайрулло Бозоров Хэнань провинциясы Луо Янг қаласындағы “Shi Ying Machinery” ҳәм “Luoyang” компанияларында болып, Ли Шийинг ҳәм рәсмийлер менен өткерилген сөйлесиўлерде тракторлар ислеп шығарыў жойбарын баслаў мәселелерин додалады.
Оған бола, Қувасай қаласындағы санаат зонасында улыўма жойбар баҳасы 100 миллион доллар болған, биринши басқышта 30 миллион доллар жумсалыўы нәзерде тутылған тракторлар ислеп шығарыў жойбары әмелге асырылады. 2025-жылдың ақырына шекем миллий бренд тийкарында бир неше маркадағы тракторлар ислеп шығарылады.
Ушырасыў жуўмағында "жол картасы" тийкарында әмелге асырылатуғын жумыслар белгилеп алынды.
Мағлыўмат ушын, “Shi Ying Machinery” компаниясында ҳәр қыйлы маркадағы тракторлар, “Luoyang” да болса жол ҳәм аўыл хожалығы ушын техника ҳәм тракторлар ислеп шығарылады. 50 ден 300 ат күшине ийе болған тракторларды жыйнаў санаатына ийе компаниялар Қытайда жетекши орынды ийелейди. Жол хожалығы ушын мөлшерленген техникалар да жоқары сапасы, жумыс өнимдарлығы менен өтимли.
