Бул чемпионат Ташкент ўәлаяты ҳәм Ташкент қаласында усы жылдың 24-июль күнинен 3-август сәнесине шекем болып өтеди.

Елимизде бул спорт түринде биринши мәрте шөлкемлестирилетуғын бул жарыста дүньяның ең күшли 24 командасы жеңимпазлық ушын гүреседи.

Бул тек ғана Өзбекстан волейбол тарийхында емес, ал пүткил Орайлық Азия спорт турмысында әҳмийетли бурылыс болыўы күтилмекте.

Беллесиўлер "Юнусабад" спорт комплекси ҳәм Өзбекстан мәмлекетлик денетәрбия ҳәм спорт университетиниң залларында шөлкемлестириледи.

"А" топарынан орын алған Өзбекстан сайланды командасы плей-офф басқышы жолламасы ушын Бельгия, Аргентина, Пуэрто-Рико, Түркия ҳәм Пакистан командаларына қарсы гүрес алып барады. Командамыздың топар басқышындағы календары төмендегише:

1-тур: Өзбекстан - Түркия (24-июль)

2-тур: Өзбекстан - Пакистан (25-июль)

3-тур: Өзбекстан - Пуэрто-Рико (26-июль)

4-тур: Өзбекстан - Аргентина (28-июль)

5-тур: Өзбекстан - Бельгия (29-июль)