Илаж қатнасыўшыларына Өзбекстан Республикасы Президенти жанындағы Стратегиялық ҳәм регионлараралық изертлеўлер институтының директоры (ИСМИ) Элдор Арипов, Өзбекстан Республикасы Президентиниң кеңесгөйи Русланбек Давлетов, Ислам бирге ислесиў шөлкеми Бас хаткериниң сиясий мәселелер бойынша орынбасары Юсуф Алдобей, Өзбекстан Республикасы Олий Мажлиси Сенаты Баслығының биринши орынбасары Содиқ Сафоев, LYNC ўәкили Крис Сайпл, Өзбекстан Республикасы Дин ислери бойынша комитетиниң баслығы Содиқ Тошбоев ҳәм АҚШтың Өзбекстандағы елшиси Джонатан Хеник шығып сөйледи.
Форум шеңберинде ИСМИ ҳәм Американың «Love Your Neighbor Community» (LYNC) МКШ арасында өз-ара түсинисиў меморандумына қол қойылды. Ҳүжжет диний исеним еркинлиги ҳәм диний кеңпейилликти алға қойыў бойынша келешекте биргеликтеги жумыслар ушын ҳуқықый тийкар жаратады. Өзбекстан Президенти тәрепинен 2018-жылы алға қойылған БМШ Бас Ассамблеясының "Ағартыўшылық ҳәм диний кеңпейиллик" арнаўлы резолюциясын әмелге асырыў шеңбериндеги бирге ислесиўге айрықша итибар қаратылады.
Меморандумға қол қойылыўы ҳаққында пикир билдирген LYNC басшысы Уэйд Кьюзак ИСМИ менен бирге ислесиў тек ғана жақсы идеяларды додалаўдан ибарат емес, ал бул идеялар жәмийетте қалай әмелге асырылыўы мүмкин ҳәм керек екенлигин әмелий раўажландырыўдан ибарат, деп атап өтти. Усы мәниде, оның сөзлерине бола, Ташкентте өткерилип атырған "Декларациялар қарым-қатнасы" форумы - бул әпиўайы сөйлесиў емес, ал Өзбекстан ҳәм басқа да мәмлекетлердиң диний кеңпейилликти беккемлеў тараўындағы үлгилерин әмелий имплементациялаў болып есапланады.
Еслетип өтемиз, Форум ИСМИ тәрепинен Дин ислери бойынша комитети, Өзбекстандағы Ислам цивилизациясы орайы, Өзбекстан Республикасы Сыртқы ислер министрлиги ҳәм Самарқанд ўәлаяты ҳәкимлигиниң жәрдеминде LYNC пенен биргеликте шөлкемлестирилген.
LYNC - 2017-жылы АҚШта шөлкемлестирилген. Мәмлекетлик уйымлар, пуқаралық басламалары ҳәм диний жәмийеишиликлер менен бирге ислесиўде LYNC ҳүждан еркинлиги, жуўапкершиликли пуқаралық, өз-ара исеним ҳәм түрли социаллық топарлардың бирге ислесиўин беккемлеўге жәрдем береди.
