Ҳүжжет пенен ири инвестициялық жойбарларды таярлаў ҳәм әмелге асырыўда коррупцияға қарсы ҳәм бәсеки стандартларын енгизиў тәртиби ҳаққындағы реже тастыйықланып, онда төмендегилер нәзерде тутылған:
ири инвестициялық жойбарларды коррупцияға қарсы тексериўден өткериў;
ири инвестициялық жойбарлардың бәсеки орталығына тәсирин баҳалаў;
Ири инвестициялық жойбарларды коррупцияға қарсы тексериў ҳәм олардың бәсеки орталығына тәсирин баҳалаў бойынша қадағалаў ҳәм жуўапкершилик.
Бул Реже төмендеги ири инвестициялық жойбарларға енгизиледи:
Мәмлекетлик бюджет ямаса мәмлекетлик мақсетли қорлардан қаржыландырылатуғын;
мәмлекетлик-жеке меншик шериклик (МЖШ) тийкарында әмелге асырылатуғын;
мәмлекетлик кепилликлер, жеңилликлер ямаса мәмлекетлик қоллап-қуўатлаўдың басқа да түрлерин нәзерде тутатуғын сырт ел инвестициялары ҳәм халықаралық финанс институтларының қатнасыўында.
Жойбардың коррупцияға қарсы экспертизасы - Коррупцияға қарсы гүресиў агентлиги тәрепинен жойбарды режелестириў, қаржыландырыў, таярлаў, мәмлекетлик сатып алыўларды әмелге асырыў ҳәм эксплуатациялаў, мониторинг етиў басқышларында коррупцияға алып келиўи мүмкин болған факторлар ҳәм қәўип-қәтерлерди анықлаў және таллаў, сондай-ақ, оларды сапластырыў ямаса азайтыў бойынша усыныслар ислеп шығыў процеси.
Жойбардың бәсеки орталығына тәсирин баҳалаў Бәсекини раўажландырыў ҳәм тутыныўшылардың ҳуқықларын қорғаў комитети тәрепинен әмелге асырылады. Ол бәсекини шеклеў, айырым қатнасыўшыларға артықмашлық бериў ямаса монополия жаратыў қәўип-қәтерлерин анықлаў ҳәм сапластырыў, сондай-ақ, барлық хожалық жүргизиўши субъектлер ушын теңдей шараятларды тәмийинлеў илажларын белгилеўди нәзерде тутады.
Экспертиза ҳәм баҳалаў нәтийжелери тийкарында таярланған жуўмақлар жойбарды тастыйықлаў ямаса қаржыландырыў бойынша қарарлар қабыл етиўши уйымлар тәрепинен көрип шығылыўы шәрт.
Ҳүжжет Нызамшылық мағлыўматлары миллий базасында жәрияланған ҳәм 04.02.2026-жылдан күшке кирди, деп жазады «Norma».
