Нызам менен киргизилген қосымшаларға бола, "Мәҳәлле сервис" компаниялары тәрепинен мәҳәллелерди абаданластырыўға байланыслы жумысларды орынлаў ҳәм халыққа нызамшылықта белгиленген айырым социаллық төлемли хызметлер көрсетиўден алынған қаржылар салық салыўда есапқа алынбайтуғын дәраматларға киргизилди.
Сондай-ақ, бул хызметлерди көрсетиўге мөлшерленген имаратлар жайласқан жер участкалары жер салығы салыныў объекти есапланбаўы белгиленди.
Төмендеги дәрамат түрлерине салық салынбаўы нәзерде тутылды:
Чернобыль АЭСтеги апатшылық ақыбетлерин сапластырыўда қатнасқан пуқаралардың, сондай-ақ, олардың зайыбының (күйеўиниң) дәраматлары;
"Мәҳәлле сервис" компаниялары хызметкерлериниң жумысы нәтийжесинде алынған, олардың салық салыўға тийисли мийнет ҳақы түриндеги дәраматлары.
Буннан тысқары, Жиззақ ўәлаятының Шараф Рашидов ҳәм Ташкент ўәлаятының Оҳангарон районларында шөлкемлестирилген былғары-аяқ кийим санаат зоналарын басқарыў дирекциялары мүлк салығы, жер салығы ҳәм суў ресурсларынан пайдаланғаны ушын салық төлеўден 2025-жыл 1-январьдан 2026-жыл 1-январьға шекем азат етилетуғыны көрсетилди.
Нызам рәсмий жәрияланған күннен баслап күшке киреди.
