Астана қаласында "Жолаўшы тасыў" ҳәм "Өзтемиржөлжолаўшы" АЖ арасында жолаўшы тасыўды раўажландырыў ҳәм еки мәмлекет арасындағы шерикликти беккемлеў мәселелери додаланды.
Атап өтилиўинше, додалаўда туризм потенциалын раўажландырыўда әҳмийетли қәдем болатуғын жаңа халықаралық жөнелислер, соның ишинде, Астана-Самарқанд жөнелислерин ашыў имканиятлары да көрип шығылды.
Мәмлекетимиздиң усынысы менен "Алмаата - Ташкент" жөнелисиндеги 1/2-санлы поезддың ҳәрекетлениў кестеси қайта көрип шығылып, жолаўшылар ушын кетиў ҳәм келиў ўақытлары және де қолайлы болды.
Мәмлекетимиз басшысы Самарқанд ўәлаятының экономикалық потенциалын буннан былай да арттырыў, "Ургут" еркин экономикалық зонасындағы кәрханалардың экспорт ҳәм импорт операцияларын әмелге асырыў имканиятларын кеңейтиў мақсетинде Ургут районына темир жол тармағын тартыў басламасын алға қойған еди.
Қоңыратлы Бахтыбай Жийенбаев темир жол тараўында 37 жыл мийнет етип, бүгинги күнде пенсияда дем алыста. Жаңадан бой тиклеген Қоңырат темир жол вокзалының имаратын кәсиплеслери менен тамашалап, заманагөй усылда бой тиклеген имаратқа узақ ўақыт қарап, өткен дәўирлерин еследи. Көримсиз, ески вокзалда аўыр шараятта жумыс алып баратуғын еди. Енди пүткиллей басқаша көринис. Ҳақыйқатында да Қоңырат районындағы қурылыс ҳәм абаданластырыў жумысларының айқын үлгиси болып табылады.
