Туризм комитети тәрепинен шөлкемлестирилген стендте Өзбекстанның он ири туроператор ҳәм агентликлери мәмлекетимиздиң ең жаңа туристлик бағдарлары, мәдений дыққатқа ылайық орынлары ҳәм жаңа инфраструктура объектлери, сондай-ақ, ҳиндстанлы туристлер ушын арнаўлы усыныслар көрсетилмекте.
Көргизбе даўамында сырт елли қатнасыўшылар ҳәм ярмаркаға келген мийманлар Өзбекстанның туристлик потенциалы, бай мәдений ҳәм тарийхый мийрасы ҳаққында толық мағлыўмат алды, деп хабар береди Туризм комитетиниң баспасөз хызмети.
Мәмлекетимизди тек ғана Ҳиндстанда емес, ал Қубла Азияның барлық мәмлекетлеринде үгит-нәсиятлаў ҳәм сырт ел туристлериниң ағымын көбейтиў мақсетинде конференция ҳәм семинарларда қатнасыў, туристлик компаниялардың ўәкиллери менен сөйлесиўлер өткериў ҳәм "В2В" ушырасыўларын шөлкемлестириў режелестирилген.
«SATTE» 50 ден аслам мәмлекеттен 2000 нан аслам қатнасыўшы ҳәм 40 мыңнан аслам келиўшилерди тартатуғын Қубла Азиядағы жетекши туристлик көргизбеси сыпатында тән алынған.
