Өзбекстан Республикасы Россияның «Russian traveler» журналы тәрепинен шөлкемлестирилген «Russian traveler Awards 2024» миллий туризм сыйлығының эксперт төрешилери таңлаўының нәтийжесине бола "Туризм в СНГ" номинациясында жеңимпаз деп табылды.
Сыйлықлаў мәресиминде Туризм комитети баслығының биринши орынбасары Жамшид Абдусаломов басшылығындағы Өзбекстан делегациясы қатнасты.
Мағлыўмат ушын: «Russian traveler» журналы - бул мәмлекеттиң ишинде саяхат етиў ҳәм белгили халықаралық жөнелислерге бағышланған рус басылымы. Ол саяхат идеялары, эксперт мәсләҳәтлери ҳәм жанлы фотосүўретлер менен мақалаларды усыныс етеди. Журналдың биринши саны 2022-жылы Санкт-Петербург халықаралық экономикалық форумында усынылған.
Сондай-ақ, журнал Россиядағы ең жақсы туристлик жөнелислер, мийманханалар, круизлер ҳәм туризмниң басқа тәреплерин тән алатуғын ҳәр жылы «Russian traveler» сыйлықларын шөлкемлестиреди.
2024-жылы июль айында Россияның бул журналы Өзбекстанның туризм потенциалына бағышланған "Өзбекстан - Шығыс ертеги" ("Узбекистан - Восточная сказка") атамасындағы арнаўлы саны басып шығарылған болып, россиялы оқыўшылар арасында үлкен қызығыўшылық оятқан.