Кейинги 20 жыл ишинде биринши Өзбекстан-Словения саммити еки тәреплеме қатнасықлар тарийхында жаңа басқышты баслап берди.
Сапар етиў шеңберинде Словения Республикасы Президенти Наташа Пирц Мусар, Бас министри Роберт Голоб ҳәм Миллий ассамблеясы Баслығы Уршка Клакочар-Зупанчич пенен мазмунлы сөйлесиўлер болып өтти.
Тәреплер сиясат, экономика, инвестициялар, санаат кооперациясы, экология, мәденият, туризм ҳәм билимлендириў тараўларын қамтып алған кең көлемли мәселелерди додалады.
Биргеликтеги билдириў, сондай-ақ, тийкарғы бағдарларда ерисилген келисимлерди беккемлеп қойған ҳүкиметлераралық ҳәм уйымлараралық келисимлердиң салмақлы топламы қабыл етилди.
Сапар етиў жуўмағында мәмлекет басшылары ҳәм еки мәмлекеттиң 100 ге шамалас жетекши компанияларының ўәкиллериниң қатнасыўында Өзбекстан-Словения бизнес форумы болып өтти.
Любляна халықаралық аэропортында жоқары мәртебели мийманды ишки ислер министри Боштян Поклукар ҳәм басқа да рәсмий шахслар шығарып салды.
Мәмлекетимиз басшысы Ташкентке жөнеп кетти.
