Өзбекстан Республикасы Президентиниң 2025-жыл 18-ноябрьдеги "Экология ҳәм туризм тараўларында халықтың талапларына жедел жуўап бериў бойынша басқарыў системасын жаратыў илажлары ҳаққында"ғы ПП-217-санлы Пәрманына муўапық, туризм тараўын экономиканың стратегиялық әҳмиетли тармағы сыпатында системалы ҳәм турақлы раўажландырыў, мәмлекетлик басқарыўды және де жетилистириў, тараўда көрсетилип атырған хызметлердиң сапасын арттырыў, сондай-ақ, миллий туризм өнимлериниң жәҳән базарында бәсекиге шыдамлылығын тәмийинлеў мақсетинде қарар етемен:
I. Мақсетлер.
1. Төмендегилер туризм тараўын 2030-жылға шекем раўажландырыўдың тийкарғы мақсетлери етип белгиленсин:
(а) туризм тараўының жалпы ишки өнимдеги үлесин ҳәзирги 3,5 проценттен 7 процентке жеткериў;
(б) сырт елли туристлердиң жыллық санын ҳәзирги 10 миллионнан 20 миллионға жеткериў, соның ишинде, төлеў қәбилети жоқары туристлер ағымын көбейтиў;
(в) туризм хызметлери экспортының жыллық көлемин 6 миллиард АҚШ долларынан асламға жеткериў;
(г) Өзбекстанның туристлик қалалары арасында транспорт қатнаўларын жақсылаў, ишки авиақатнаўлар санын көбейтиў ҳәм жолға кететуғын ўақытты кеминде 3 есеге қысқартыў;
(д) 4 ҳәм 5 жулдызлы мийманханалардың санын 2 есеге арттырыў;
(ж) туризм хызметлери ҳәм өнимлерин диверсификациялаў арқалы республиканың туризм потенциалынан толық пайдаланыў;
(з) Өзбекстанның дүньяда кеңнен танылған туризм брендин жаратыў ҳәм миллий туризм өнимлерин алға қойыў ушын жаңа қуралларды енгизиў.
II. Тараўда мәмлекетлик басқарыўды жетилистириў.
2. Төмендегилер:
(а) Өзбекстан Республикасы Туризм комитети жумысының тийкарғы бағдарлары 1-қосымшаға муўапық;
б) Өзбекстан Республикасы Туризм комитетиниң шөлкемлестириў структурасы 2-қосымшаға муўапық тастыйықлансын.
3. Төмендегилер:
(а) Өзбекстан Республикасы Туризм комитети (кейинги орынларда - Комитет) туризм тараўын тәртипке салыў ҳәм раўажландырыў бойынша мәмлекетлик сиясатты әмелге асырыўшы республикалық атқарыўшы ҳәкимият уйымы есапланады;
(б) Комитет өз ўәкилликлери шеңберинде улыўма мәжбүрий характердеги нормативлик-ҳуқықый ҳүжжетлер қабыл етиўге ҳақылы;
(в) Комитет баслығы:
(i) белгиленген тәртипте Өзбекстан Республикасы Президенти тәрепинен лаўазымға тайынланады ҳәм лаўазымнан азат етиледи;
(ii) Комитет ҳәм оның системасындағы шөлкемлердиң жумысын дурыс ҳәм нәтийжели шөлкемлестириў, усы арқалы олардың жумысын нәтийжелиликке бағдарлаў, сондай-ақ, усы бағдарда белгиленген мақсетли көрсеткишлерге сөзсиз ҳәм толық ерисиўди тәмийинлеў ушын жеке жуўапкер;
(г) Комитет Экология, қоршаған орталықты қорғаў ҳәм климат өзгериўи министрлиги жанындағы Туризм комитетиниң ҳуқық ҳәм миннетлемелери бойынша ҳуқықый мийрасхоры есапланады.
III. Туристлер ағымын арттырыў.
4. Дүньяда миллий туризм өнимлерин үгит-нәсиятлаў мақсетинде:
(а) Миллий туризм өнимлерин үгит-нәсиятлаў комитети баслығының орынбасары лаўазымын енгизиў;
(б) сырт мәмлекетлерде Комитеттиң ўәкилханалары (кейинги орынларда - ўәкилханалар) 3-қосымшаға муўапық шөлкемлестирилсин;
(в) ўәкилханалар 4-қосымшада нәзерде тутылған ўазыйпаларды өз жумысын әмелге асыратуғын мәмлекетлерде әмелге асыратуғынын белгилеў;
(г) Миллий туризм өнимлерин алға қойыў комитети баслығының орынбасары "Миллий PR-орай" мәмлекетлик мәкемеси ҳәм ўәкилханалардың жумысын муўапықластырыў, сондай-ақ, миллий туризм өнимлериниң нәтийжели маркетингине жеке жуўапкер етип белгиленсин.
5. Комитет Министрлер Кабинетине:
(а) Сыртқы ислер министрлиги, Транспорт министрлиги ҳәм басқа да мәпдар министрликлер ҳәм уйымлар менен биргеликте еки ай мүддетте:
(i) Өзбекстан Республикасы аймағына кириў ушын визасыз тәртип орнатылатуғын мәмлекетлер дизимин кеңейтиў, Өзбекстан Республикасы аймағына кириў ҳәм онда болыў тәртип-қағыйдаларын әпиўайыластырыў;
(ii) республиканың туристлик-транспорт логистикасын раўажландырыў;
(б) Стратегиялық раўажланыў ҳәм реформалар агентлиги менен биргеликте 2026-жыл 1-мартқа шекем - Өзбекстан Республикасы туризм тараўын 2040-жылға шекем раўажландырыў стратегиясының жойбарын;
(в) Санлы технологиялар министрлиги, Экономика ҳәм қаржы министрлиги менен биргеликте 2026-жыл 1-апрельге шекем - төмендегилерди нәзерде тутатуғын 2030-жылға шекем туризм хызметлери базарларында маркетинг стратегиясы жойбарын:
(i) халық жедел саяхат етип атырған сырт еллерде миллий туристлик өнимлерди үгит-нәсиятлаў;
(ii) туризм тараўында мәнзилли реклама системасын кеңнен енгизиў.
6. Мәденият ҳәм көркем өнерди раўажландырыў қоры Мәдений мийрас агентлиги, Комитет пенен биргеликте туристлерди тартыў бойынша қосымша имканиятларды иске қосыў мақсетинде 2026-2028-жылларда төмендеги жойбарлар ҳәм илажларды әмелге асырсын:
(а) Самарқанд қаласындағы ең әҳмийетли тарийхый объектлерди байланыстырыўшы 6,6 км узынлықтағы туристлик жолды шөлкемлестириў бойынша "Самарқанд мийрасы жолы" жойбары;
(б) Хийўа қаласындағы "Ийшан-қала" комплексин халықтың турмыс тәризи, саўда орынлары, хызмет көрсетиў шақапшалары ҳәм коммуникация системасын тарийхый орталық пенен үйлестирген ҳалда дүньяда бирден-бир иммерсив ҳәм "ақыллы" қала-музейге айландырыў;
(в) Ташкент қаласы бойынша:
(i) модернизм естеликлерин ЮНЕСКОның Пүткил жәҳән мийрасы дизимине киргизиў бойынша материалларды усыныў;
(ii) мозаикалар саны ең көп болған қала сыпатында дүнья көлеминде тән алыныўына ерисиў.
Инвестициялар, санаат ҳәм саўда министрлиги Комитет ҳәм жергиликли мәмлекетлик ҳәкимият уйымлары менен биргеликте дүньяға белгили кийим-кеншек брендлерин саўда-кеўилашар комплекслерге тартыў ҳәм қалалардың шетлеринде (әтирапында) миллий архитектуралық усылға тийкарланған заманагөй аутлет орайларын шөлкемлестириў бойынша төмендеги тәртипте илажлар көрсин:
(а) биринши басқышта (2030-жылға шекем) - Ташкент, Самарқанд, Бухара ҳәм Хийўа қалаларында;
(б) екинши басқышта (2030-жылдан баслап) - туристлик потенциалы жоқары болған басқа елатлы пунктлерде.
IV. Туризм тараўын мәмлекет тәрепинен қоллап-қуўатлаў.
8. Тәртип белгиленсин, оған муўапық:
(а) 2026-жыл 1-февральдан баслап сырт ел пуқаралары тәрепинен алдын сатып алынған товарлар ушын төленген Өзбекстан Республикасы аймағынан шығыўда қосымша қун салығы суммасының қайтарылыўы олардың қәлеўи бойынша нақ пулда әмелге асырылыўы мүмкин;
(б) 2026-жыл 1-марттан баслап Туризмди қоллап-қуўатлаў қоры (кейинги орынларда - Қор) қаржылары есабынан:
(i) ҳәр жылы 10 ең жақсы жойбарға туристлик стартапларды - туристлик хызметлердиң жаңа түрлерин ислеп шығыў ҳәм енгизиў менен байланыслы қәрежетлердиң 50 проценти, бирақ 1 миллиард сумнан аспаған муғдарда субсидия ажыратылады;
(ii) мийманханалардың Министрлер Кабинети тәрепинен тастыйықланатуғын дизимде нәзерде тутылған халықаралық тән алынған "жасыл" сертификатларды алыў менен байланыслы қәрежетлериниң 50 проценти қапланады;
(в) 2026-жыл 1-апрельден халықаралық конференция ҳәм илажлар (MICE-туризм) шөлкемлестирген ҳәм оларға кеминде 100 сырт ел туристин тартқан исбилерменлик субъектлери тәрепинен усы илажларды шөлкемлестириўде төленген қосымша қун салығының 50 процентин қайтарыў тәртиби енгизилсин;
(г) 2027-жыл 1-январьға шекем усы қарарға 5-қосымшада нәзерде тутылған тәртипке әмел еткен ҳалда:
(i) туризм тараўы субъектлери тәрепинен импорт етилетуғын автобуслар, электробуслар ҳәм микроавтобуслар бажыхана бажысынан азат етиледи;
(ii) Қарақалпақстан Республикасында дизимнен өткен ҳәм лицензияға ийе туроператорларға экстремал турларды шөлкемлестириў ушын двигательиниң көлеми кеминде 2,4 литр болған жоқары өтиў қәбилетине ийе транспорт қуралларын импорт етиўде, бурынғысынан басқаша тәризде, әмелдеги ставканың 25 проценти муғдарында бажыхана бажы ҳәм утилизация жыйымын 3 жыл мүддетке бөлип-бөлип төлеўге рухсат бериледи;
(iii) туризм тараўы субъектлери тәрепинен импорт етилетуғын автобуслар, электробуслар ҳәм микроавтобуслар санына қарамастан, оларға бир сертификат бериўге рухсат бериледи;
(д) 2030-жыл 1-январьға шекем «Brand Finance» компаниясының топ-50 рейтингине киретуғын брендти тартқан ҳалда мийманхана қурыўды баслаған ҳәм бренд пенен алдыннан келисимге ийе болған исбилерменлик субъектлери мийманхананы усы бренд талапларына муўапық қурыў ҳәм үскенелеўде алып кирилетуғын үскене, техника, транспорт қураллары, мебель ҳәм инвентарь ушын бажыхана бажысынан азат етиледи.
9. Төмендегилер:
(а) Комитет республика аймағында өз фильмлерин жаратыўдағы қәрежетлердиң бир бөлегин сырт ел кинокомпанияларына қайтарыўды муўапықластырыўшы жуўапкер мәмлекетлик уйым есапланады («Rebate»);
(б) усы бәнттиң "а" киши бәнтинде нәзерде тутылған қәрежетлер суммасы Мәмлекетлик бюджет қаржылары есабынан төмендеги муғдарда қапланады:
(i) 10 процент - егер қәрежетлер муғдары 3 миллиард сумға шекем болса;
(ii) 15 процент - егер қәрежетлер муғдары 3 млрд сумнан 5 млрд сумға шекем болса;
(iii) 20 процент - егер қәрежетлер муғдары 5 млрд сумнан 10 млрд сумға шекем болса;
(iv) 25 процент - егер қәрежетлер муғдары 10 миллиард сумнан артқан, бирақ бир фильм ушын 4 миллиард сумнан көп болмаған жағдайда;
(в) 2026-жыл 1-марттан баслап Өзбекстан Республикасының туристлик тартымлылығы, тарийхый-мәдений мийрасы ҳәм басқа да әҳмийетли унамлы тәреплерин тиккелей ямаса тиккелей емес (соның ишинде, Өзбекстан Республикасы аймағында, өз павилонларында ямаса компьютер графикасы жәрдеминде) көрсететуғын фильмлердиң бир бөлегин (эпизодын) жаратыў ушын абырайлы сырт ел кинокомпаниялары менен сөйлесиўлер өткериў арқалы Фонд қаржылары есабынан ҳақы төлеў тәртиби енгизилсин.
V. Туризм тараўын санластырыў.
Сондай тәртип орнатылсын, оған муўапық 2026-жыл 1-июльден баслап:
(а) иске түсирилетуғын Туризмниң бирден-бир миллий платформасы ҳәм оның мобил қосымшасы арқалы:
(i) туристлик электрон SIM-картаны жалғаў ҳәм сырт елли туристлердиң ўақтынша болыў орны бойынша дизимнен өтиўи олардың разылығы тийкарында Мәмлекетлик шегарадан өтиў ўақтында жыйналған мағлыўматларды интеграциялаў менен проактив түрде әмелге асырылады;
(ii) саяхат бағдарын дүзиў, ең оптимал жөнелис ҳәм транспорт түрин таңлаў, мүлкшилик түрине қарамастан, барлық транспорт түрлерин бирлестирген ҳалда онлайн бронластырыў ҳәм билет сатып алыў имканияты жаратылады;
(iii) билет хожалығы енгизилген барлық туристлик объектлерге, соның ишинде, музейлерге, мәдений мийрас, мәденият, кеўилашар ҳәм дем алыў объектлерине билетлерди онлайн сатып алыў имканиятын беретуғын "бирден-бир билет" системасы енгизиледи;
(iv) интерактив карталар, планшетлер, "аудио жәрдемшиси", "видео жәрдемшиси" ҳәм онлайн трансляциялар арқалы туристлик объектлер ҳаққында мағлыўмат бериў имканиятын беретуғын экскурсияларды өткериў ушын "санлы гид" системасы иске түсириледи;
(в) жайластырыў қураллары тәрепинен сырт елли ҳәм жергиликли туристлерден алынатуғын туризм (мийманхана) жыйымынан түсетуғын қаржылар автомат тәртипте биллинг системасы арқалы тиккелей Қорға өткерип бериледи;
(б) халық тәрепинен дачаларды ижараға бериў «Soliq» мобил қосымшасы арқалы "мениң менен бирге" формасында дем алыўшылардың саны көрсетилген ҳалда әпиўайыластырылған тәртипте бир шахстың атына рәсмийлестириў жолы менен әмелге асырылады.
11. 2026-жылдың ақырына шекем Бирден-бир миллий туризм платформасы шеңберинде республика аймағына туристлер ағымын (категориялар бойынша) ҳәм олардың қәлеўлерин таллаў, жеке меншиклестирилген маршрутлар ҳәм усыныслар жаратыў, баҳаларды қәлиплестириў ҳәм ресурсларды бөлистириў сыяқлы имканиятларды нәзерде тутатуғын жасалма интеллект ҳәм үлкен мағлыўматларды таллаў системасы "Қәўипсиз қала" аппарат-программа комплекси менен интеграцияланған ҳалда енгизилсин.
VI. Тараўда кадрларды қайта таярлаў ҳәм олардың маманлығын арттырыў системасын жетилистириў.
12. Туризм хызметлериниң сапасын арттырыў мақсетинде Халықаралық туризм академиясының Самарқанд кампусында Жәҳән туризм шөлкеми қәўендерлигинде туризм тараўы субъектлери хызметкерлериниң маманлығын арттырыў (1 айға шекем) ҳәм қайта таярлаў (8 айға шекем) бойынша оқыў курслары шөлкемлестирилсин.
VII. Қордың қәрежетлерин оптималластырыў.
13. 2026-жыл 1-январьдан баслап:
(а) Қордың кеңеси дүзиледи ҳәм оның унамлы шешими болмаған жойбарларды қаржыландырыў бюджет ҳәм смета-штат тәртибиниң бузылыўы есапланады, Өзбекстан Республикасы Президентиниң ҳүжжетлеринде қаржыландырылыўы Қордың қаржылары есабынан белгиленген жойбарлар ҳәм Комитетти, соның ишинде, оның системасындағы шөлкемлерди ҳәм аймақлық бөлимлерин сақлаў менен байланыслы қәрежетлер буннан тысқары;
(б) Қор қаржылары есабынан қаржыландырылатуғын жойбарлардың нәтийжелилиги Фонд кеңеси тәрепинен турақлы түрде баҳаланады;
(в) туристлик (мийманхана) жыйым түсимлери есабынан Ишки ислер министрлиги жанындағы Қәўипсиз туризмди тәмийинлеў қорына өткерилетуғын қаржылар муғдары әмелдеги 10 проценттен 5 процентке азайтылады.
14. Комитет Экономика ҳәм қаржы министрлиги менен биргеликте бир ай мүддетте қор дәреклери есабынан министрликлер ҳәм уйымларға ажыратпаларды бийкарлаў бойынша Өзбекстан Республикасы Президенти Администрациясына усыныс киргизсин.
VIII. Қарар орынланыўын шөлкемлестириў, тәмийинлеў ҳәм қадағалаў.
15. Туризмди жедел раўажландырыў ҳәм тараўда мәмлекетлик басқарыўды жетилистириў бойынша "Жол картасы" 6-қосымшаға муўапық тастыйықлансын.
16. Өзбекстан Республикасы Президенти Администрациясының Креатив экономика ҳәм туризм департаменти жанында Туризм тараўындағы реформалар штабы шөлкемлестирилсин.
17. Төмендегилер:
(а) Туризм тараўындағы реформалар штабы туризм тараўындағы мәселелерди мониторинг етиў ҳәм шешиў, аймақлар, тармақлар ҳәм ири туризм обектлери кесиминде жаңа имканиятларды анықлаў ҳәм иске қосыў илажларын көреди;
(б) Туризм тараўындағы реформалар штабының жумысына тартылған (хызмет сапарына жиберилген) мәмлекетлик уйымлар ҳәм шөлкемлердиң хызметкерлериниң мийнетине ҳақы төлеў ҳәм оларды материаллық хошаметлеў муғдарлары ҳәм шәртлери толық сақланып қалады және хызмет сапары дәўиринде олардың тийкарғы жумыс орны бойынша айлық мийнет ҳақысына әмелдеги тастыйықланған бюджет параметрлери ҳәм бюджет шөлкемлериниң бюджеттен тысқары қаржылары шеңберинде 20 процент муғдарында үстеме төленеди.
18. Комитет Министрлер Кабинетине:
(а) бир ай мүддетте - Туризм комитети ҳаққындағы реже;
б) еки ай мүддетте нызам ҳүжжетлерине усы қарардан келип шығатуғын өзгерислер ҳәм қосымшалар ҳаққындағы усынысларды киргизсин.
19. Комитет Ташкент қаласы, Әмир Темир көшеси, 107б-жай мәнзилине жайластырылсын.
20. Усы қарардың орынланыўын нәтийжели шөлкемлестириўге жуўапкер ҳәм жеке жуўапкер етип Туризм комитети баслығы белгиленсин.
21. Усы қарардың орынланыўын додалаў, оның орынланыўына жуўапкер шөлкемлердиң жумысын муўапықластырыў ҳәм қадағалаў Өзбекстан Республикасының Бас министри А.Н.Ариповқа ҳәм Өзбекстан Республикасы Президенти Администрациясы Креатив экономика ҳәм туризм департаментиниң баслығы Г.О.Умероваға жүкленсин.
Өзбекстан Республикасы Президенти
Ш.Мирзиёев
